Maggie Cheung Man yuk kondhang uga karo jeneng Maggie Cheung dhèwèké lair tanggal (1964-09-20) 20 Sèptèmber 1964 (umur 59), dhèwèké katurunan China, lan aktris saka Hong Kong, wis punjul 70 filem kang dibintangi dhèwèké awit taun 1983 wiwit kariré ning dunya filem, Dhèwèké aktris wanita Asia pisanan kang menangaké ajang Cannes Film Festival, Maggie Cheung pindah maring Inggris nalika umuré esih 8 taun.[1] Bali manèh maring Hong Kong sawisé ngelulusaké sekolah menengahé.[1]

Maggie Cheung, aktris saka Hong Kong

Ning taun 1983 Maggie meluni kontès Miss Hong Kong lan olih juara kaping loroné.[1] Mula dhèwèké dadi semi-finalis ning ajang kontès Miss World ning taun kang padha.[1] Maggie Cheung njegur ning dunya filem nalika taun 1985, kaping pisanan nalika mainaké peran ning filem kang judhulé POLICE STORY.[1] Dhèwèké mainaké tokoh kang jenengé May, pepujaning atiné "Kevin" Chan Ka Kui kang diperanaké déning aktor kodhang Jackie Chan.[1]

Maggie Cheung uga kondhang babagan kamampuané fasih anggoné nganggo basa njaba.[1] Ning taun 1992, dhèwèké nganggo basa Mandarin, Katon lan Shanghai kanthi lancar nalika mainaké peran ning filem kang judhulé CENTER STAGE.[1] Maggie Cheung uga tampil karo basa Inggris-lan logat Britania, Perancis, Kanton lan Mandarin ning filem kang judhulé CLEAN.[1]

Aktris kang wus tau mbintangi punjul 80 judhul filem lan drama TV iki tau urip bebrayan karo sutradara saka Perancis ya iku Olivier Assayas, ning taun 1998 lan cerai ning taun 2001.[1] Hubungan sakloroné tetep dilanjutaké kanthi apik, bisa dideleng nalika Maggie menangaké kategori aktris paling apik ning filem CLEAN (2004) saka ajang Cannes Film Festival taun 2004 kang disutradarai déning mantan garwané.[1] Tanggal 7 Fèbruari 2007, The New York Times netapaké Maggie Cheung dadi salah siji saka 22 Great Performers ning taun 2006 amarga kamenangané nalika meranaké Emily ning filem CLEAN (2004).[1]

Ning taun 2010, Maggie Cheung dinobataké dadi wakil saka UNICEF Cina nalika preskon kang ditindakaké ning kantor UNICEF Cina, Beijing.[2] Dhèwèké negasaké manawa, dhèwèké bakal migunakaké katenarané kanggo ndandani apa kang dialami déning para bocah-bocah ning nagarané.[2]

Cathetan suku besut

  1. a b c d e f g h i j k l Biografi Maggie Cheung dipununduh tanggal 10 Juli 2011
  2. a b Duta UNICEF Cina, Maggie Cheung dipununduh tanggal 10 Juli 2011