Marie-Antoine Carême

Marie-Antoine Carême (lair ing Paris, Prancis, 8 Juni 1784 – pati ing Paris, Prancis, 12 Januari 1833 ing umur 48 taun) inggih punika satunggaling juru masak Perancis ingkang kawéntar minangka "Raja para Juru Masak lan Juru Masak para Raja"[2]. Piyambakipun ngenalaken gaya masak ingkang dipunkenal minangka grande cuisine.[3] Carême nyambut damel kanggé raja, kepala nagara lan tiyang - tiyang sugih sarta dipunkenal minangka juru masak "selebriti" ingkang kapisanan.[3] Kajawi dados juru masak, Carême ugi nyerat sapérangan buku kuliner.[3]

Marie-Antoine Carême
Lair8 Juni 1784
Paris, Prancis
Pati12 Januari 1833 (48 taun)
Paris, Prancis
Jeneng liyaAntonin Carême
PakaryanJuru masak (Chef)
Penulis[1]

Karièr besut

Awal karièr besut

Carême miyos wonten ing Paris wonten ing satunggaling kulawarga ageng ingkang miskin.[4] Piyambakipun gadhah 24 tiyang sadhèrèk sarta bapak ingkang nyambut damel minangka buruh.[4] Sawijining dalu ingkang rama mbekta Carême mlampah - mlampah dhateng kutha lajeng nilaraken piyambakipun piyambakan wonten ing margi.[4] Satunggaling tiyang ingkang gadhah kedai manggihaken Carême malem punika lan nawakaken piyambakipun saperlu nyambut damel wonten ing kedai piyambakipun.[4]

Piyambakipun nyambut damel sawatawis taun wonten ing kedai mau sadrèèng pungkasanipun milih saperlu pindhah dahteng sawijining restoran nalika umuipun 15 taun.[1] 2 taun candhakipun Carême tundhanipun pindhah pedamelan malih, salajengipun piyambakipun nyambut damel wonten ing sawijining patisserie (toko roti) ingkang nama Bailly.[1] Bailly minangka salaj satunggaling patisserie ingkang paling apik wonten ing Paris nalika samanten lan gadhah papan lokasi ingkang caket kaliyan Palais Royal utawi Pura Raja.[4] Talleyrand, satunggaling diplomat Perancis, lan Napoleon Bonaparte dipunmangertosi asring ngunjungi Bailly.[1]

Amargi rèputasinipun ingkang saé saèngga Bailly asring nyamektakaken jasa katering kanggé pséta - pista dansa golongan atas sarta jamuan dhahar kenagaraan.[4] Wonten ing Bailly, Carême kanggé ngrantam pièces montées ingkang dipun-ginakaken saperlu adicara - adicara sosial.[4] Pièces montées inggih minangka satunggaling rerenggan ingkang dipundamel saking pasta gula lan gadhah wujud ingkang mirib kaliyan yasan kados piramida, kuil lan mercusuar, punapa déné sesawangan alam kados ta air terjun, bukit, lan wit sarta bentuk-bentuk sanèsipun kadost kranjang lan vas.[4] Carême pikantuk inpirasi kanggé karya-karya lumantar buku-buku lelampahan ingkang dipunwaos piyambakipun wonten ing Bibliothèque Nationale (Perpustakaan Nasional).[4] Lumantar karya-karyanipun nalika nyambut damel wonten ing Bailly, Carême saged dipunkenal déning para diplomat lan tiyang - tiyang saking kalangan nginggil.[4] Éwadéné makaten, Carême namung tahan sadanguning 3 taun sadrèng piyambakipun mandheg saking Bailly lan nymabut damel wonten ing patiserie ingkang nama Gendron.[4]

Karya besut

Kajawi dados juru masak, Carême ugi nyerat kathah buku bab kulinèr Perancis ingkang wonten ing dinten samangké dados pandom tumrap para juru masak profésional lan minangka standar kanggé kulinèr klasik Perancis.

Buku-buku ingkang naté dipunserat déning Carême inggih punika:[1]

  • Le Maitre d’hotel français, traité des menus à servir à Paris, à Saint-Pétersbourg, à Londres, à Vienne taun 1820
  • Le Cuisinier parisien ou l’art de la cuisine française au XIXe siècle taun 1828. Kasusun saking 5 volume, 3 volume pisanan dipunserat déning Carême déné 2 volume pungkasan dipunpungkasaken déning Armand Plumerey
  • Le Patissier royal parisien taun 1828
  • Le Patissier pittoresque taun 1842

Uga delengen besut

Cathetan suku besut

  1. a b c d e Marie-Antoine Carême, Encyclopedia Britannica. Dipunundhah tanggal 12 Maret 2013 2013.
  2. This common sobriquet occurs in every extended article on Carême; one example is the opening paragraph of Darra Goldstein 1995 p. 691, noting also that "his importance for gastronomy is hard to exaggerate".
  3. a b c Gisslen, Wayne (2007). Professional Cooking. John Wiley & Sons, Inc. ISBN 978-0-471-66376-8. Page 4-5.
  4. a b c d e f g h i j k Crescendo of the Virtuoso, University of California Press. Dipunundhah tanggal 12 Maret 2013.

Pranala njaba besut