Marsha Timothy

paraga wadon saka Indhonésiya

Marsha Timothy (lair ing Jakarta, 8 Januari 1979; umur 45 taun).[1] Marsha Timothy iku juru main sinétron lan filem kang asalé saka Indonésia.[1]

Marsha Timothy
Dhuwur169 cm (5 ft 7 in)

Karir besut

Marsha Timothy wiwit dikenal nalika main ing filem kang judhulé Ekspedisi Madewa bareng karo Tora Sudiro lan Indra Birowo.[1] Saliyané iku, Marsha Timothy uga dikenal dadi bintang iklan lan juru main sinétron.[1] Nalika taun 2007 Marsha banjur main filem layar lebar kang judhulé Coklat Stroberi.[2] Ing wiwitan taun 2008, Marsha Timothy banjur dhuet karo aktor kang jenengé Tora Sudiro main ing filem kang judhulé Otomatis Romantis.[1] Sinetron kang tau dibintangi Marsha Timothy ya iku Serial TV Jomblo lan Kekasih.[1]

Saliyané iku, Aktris kang biyasa diundang kanthi jeneng Caca iki tau dadi bintang iklan kanggo produk Ponds, Pocari Sweet, lan Capilanos.[1] Marsha Timothy uga tau dadi bintang video klip kanggo album Project Pop, Gigi, ADA Band, Java Jive, Naff, Kerispatih lan Letto.[1] Marsha uga tau dadi bintang ing filem kang judhulé Pintu Terlarang.[1] Marsha uga dadi Duta Film Perancis nalika taun 2009.[1] Iki amarga aktingé kang apik lan hobiné nonton filem-filem Perancis.[1]

Kauripan pribadi besut

Marsha Timothy tau pacaran karo aktor Mario Lawalata, ya iku anak saka Reggy Lawalata.[1] Nanging Marsha lan Mario putus nalika wiwitan taun 2007.[1] Marsha uga tau pacaran karo aktor Fachri Albar, anak saka penyanyi rock senior Ahmad Albar lan aktris Rini S. Bono.[1]

Cathetan suku besut

  1. a b c d e f g h i j k l m n selebriti.kapanlagi.com(dipunundhuh tanggal 18 Agustus 2011)
  2. movietei.com[pranala mati permanèn](dipunundhuh tanggal 18 Agustus 2011)