Marshmallow
Marshmallow utawi manisan kenyal inggih punika dhaharan mawi tèkstur kados busa ingkang lembut kanthi manéka wujud, rasa, lan warna.[1] Marshmallow manawi dipundhahar lèlèh wonten ing tutuk amargi punika asil saking campuran gula utawi sirup jagung, putih tigan, gelatin, gom arab, lan bahan perasa ingkang dipunkocok dumugi mekar.[1] Marshmallow punika kalebet makanan ringan ingkang asring dipuntedhi bibar dipunpanggang wonten ing api unggun.[2] Manawi dipunpanggang, pérangan njawi saking marshmallow punika nglampahi karamelisasi déné wonten ing pérangan njero punika radi cair. Dangunipun manggang punika gumantung selera, wiwit saking namung sekdhik éwah warna dumugi manisan kenyal terang lan radi gosong.[2] Resep kanggé damel manisan kenyal wonten langkung saking 1.000 cara ingkang béda.[1]
Sajarah besut
Resep tradhisional manisan kenyal punika boten mawi gelatin, nanging ngginakaken sari akar taneman semak Althaea (génus) / marshmallow (Althea officinalis), saéngga dhaharan punika dipunwastani marshmallow.[2] Bapak kadhokteran, Hippocrates ngginakaken marshmallow kanggé nambani memar lan kelangan getih.[3] Dioscorides nyerat babagan sipat-sipat saénipun marshmallow, déné Horace ngalem laksatif saking godhong lan oyot taneman mau.[3] Dhokter Romawi ngginakaken marshmallow kanggé nambani gerah waja, cokotan gegremet, bengkak amargi kadhemen, lan kulit ingkang kénging iritasi.[3] Penduduk Cina, Mesir, lan Roma dhahar manéka jinis marshmallow. Penduduk Prancis dhahar kembang lan godhong kanthi wujud salad.[3] Marshmallow rumiyin punika kanggé nambani gerah waja, cokotan gegremet, gangguan pencernaan, lan diare ing Éropah nalika abad tengahan.[3] Nalika bayi nembé tuwuh wajanipun ugi dipunparingi marshmallow.[3]
Bibar Alex Doumak matenaken prosès anggènipun ekstrusi ing taun 1948, manisan kenyal wiwit dipundamel ing pabrik mawi mesin ekstrusi.[2] Asilipun punika wujud manisan kenyal awujud silinder ingkang dipuntugel-tugel lan dipungulingaken ing campuran glepung jagung lan gula alus.[2] Sapunika, manisan kenyal dipunremeni déning anak-anak ugi tiyang diwasa. Saged dipundhahar langsung kemawon ugi saged dipunlebetaken ing unjukan (cokelat susu, café mocha), dipundamel kue lan gula-gula (biskuit Mallomars, Peeps), utawi minangka penghias sajean panutup.[2]
Jinis besut
Tipe manisan kenyal ingkang kathahipun dipundamel punika: manisan kenyal timbul (extruded marshmallow), manisan kenyal endapan (deposited marshmallow), manisan kenyal tugelan ( cut marshmallow), manisan kenyal butiran (grained marshmallow ), nougat, manisan kenyal kue busa ( marshmallow-meringues) lan biskuit sarta isi kue wafel ( wafer ).[4] Produk-produk mau, béda babagan tekstrur, formulasi, bahan ingkang dipun-ginakaken, lan tingkat aerasi.[5]
| Kandhutan (/100 gr) | Ékan |
|---|---|
| Air | 16,4 gr |
| Protein | 1,8 gr |
| Lemak | 0,2 gr |
| Kadar abu | 0,3 gr |
| Karbohidrat | 81.3 gr |
| Kalori | 318 kkal |
| Serat | 0,1 gr |
| Gula | 57,56 gr |
| Sodium | 80 mg [6] |
Cathetan suku besut
- ↑ a b c Brown Amy.Understanding Food:Principles and Preparation.4th ed.United States of America:Thomson Wadsworth.2008. Masalah sitiran: Tenger
<ref>ora trep; jeneng "amy" diwedharaké ping bola-bali déné isiné béda - ↑ a b c d e f Situs Candyusa.
- ↑ a b c d e f Situs Encyclopedia: Marshmallow.
- ↑ Situs Pkseinteraktif : Lebih Jauh dengan Marshmallow Archived 2010-04-18 at the Wayback Machine..
- ↑ Situs Republika: Marshmallow yang Menggoda Archived 2010-09-29 at the Wayback Machine..
- ↑ Situs Elook: Nutrition
Pranala njawi besut
- Marshmallow yang Perlu Diwaspadai HalalGuide LPPOM-MUI
- Cooking For Engineers: Marshmallows Resep lengkap langkah demi langkah
- How do they make marshmallows? Penjelasan cara pembuatan di HowStuffWorks.com
- Sejarah Marshmallow
- Marshmallow Archived 2009-03-31 at the Wayback Machine. Situs web National Confectioners Association
- [1][pranala mati permanèn]