Nasrullah kang kondhang kanthi jeneng Mat Solar (lair ing Pejompongan, Jakarta, Indonésia, 4 Dhésèmber 1962; umur 61 taun).[1] Mat Solar iku salah sijiné pemeran lan pelawak Indonesia.[1] Jeneng Mat Solar misuwur sawisé main ing sinétron komedi kang judhulé Bajaj Bajuri kang disiyaraké ing salah sijiné stasiun televisi swasta TransTV.[1]

Mat Solar
LairNasrullah
(1962-12-04) Dhésèmber 4, 1962 (umur 61)
Indhonésia Jakarta, Indonésia
Jeneng liyaMat Solar
Pakaryanaktor, pelawak
Taun aktif1978 - sekarang

Jeneng Mat Solar iki dadi jejuluk Nasrullah nalika akting dadi tokoh Mat Solar ing teater Mama kang disiyaraké ing acara TVRI nalika taun 1978-1982.[1] Mat Solar iku anak kang kaping lima saka sadulur kang cacahé sanga.[1] Mat Solar iku anak saka pasangan H Muh Ali Sidik (alm) lan Hj Rosani.[1] Saka teater komedi Betawi iki, Nasrullah miwiti kariré nalika isih sekolah ing kelas II SMP.[1] Wiwitané nalika taun 1976 Teater Mama mung dadi panggonan kanggo ngalumpuk para remaja kang diundang ing acara pitulasan ing kampung utawa ing sekolah-sekolah.[1] Sawisé iku, teater iki dadi salah sijiné teater kang paling nakal awit kerep ngritik pamaréntah Orde Baru kang paling duwé kuwasa nalika iku.[1] Sawisé mandheg saka TVRI, Teater Mama diuripaké manèh nalika taun 1990.[1] Nanging amarga kurang ana tanggepan, teater iki banjur ora disiyaraké manèh.[1] Sawisé iku, Mat Solar banjur vakum saka donyanging hiburan, amarga aktif ing donyanging pulitik ing parpol.[1] Saliyané iku, Nasrullah uga main dadi pemeran pendukung ing sinétron-sinétron liyané kaya ta Senggal-Senggol (1996) di RCTI, Sorga Di Bawah Telapak Kaki Ibu (SCTV), Raja Sawer (Anteve), lan Luv (RCTI).[1] Saliyané iku, Mat Solar uga tau duwé kagiyatan ing Radio Suara Kejayaan (1986) lan dadi manajer produksi ing Bens Radio nalika taun 1990.[1]

Jeneng Mat Solar misuwur manèh nalika ing sinétron Bajaj Bajuri.[2] Ide sinétron iki tuwuh saka Hardi, Syarifuddin Jaluski, lan Nasrullah banjur nggawé sinétron kanthi tema bajaj.[2] Sadurungé dadi Bajaj Bajuri, judhul sinteron iki ya iku Bajaj Bang Mamat.[2]Bajuri iku jeneng tokoh kang diperanaké karo Nasrullah ing filme kang sepisanan kang judhulé Mendung Tak Selamanya Kelabu nalika taun 1982.[2]

Cathetan suku besut

  1. a b c d e f g h i j k l m n nostalgia.tabloidnova.com Archived 2016-03-05 at the Wayback Machine.(dipunundhuh tanggal 8 September 2011)
  2. a b c d selebriti.kapanlagi.com(dipunundhuh tanggal 8 September 2011)