Mulan Jameela (lair ing Garut, Jawa Barat, 23 Agustus 1979; umur 44 taun, jenengé jangkepe ya iku Raden Terry Tantri Wulansari). Mulan Jameela ya iku penyanyi Indonesia.[1] Sadurungé Mulan Jameela uga dikenal kanthi jeneng Mulan Kwok.[1] Mulan Jameela misuwur wiwit dhèwèké dadi vokalis grup Ratu ing wiwitan taun 2005.[1] Sawisé pisah saka Ratu ing taun 2007, Mula nggawe album solo sepisanan kang irah-irahané Mulan Jameela ing taun 2008.[1]

Mulan Jameela
Mulan Jameela
Latar wuri
Jeneng lair Raden Terry Tantri Wulansari
Jeneng liya Mulan jammela
Lair (1979-08-23) Agustus 23, 1979 (umur 44)
Garut, Jawa Barat, Indonesia
Jinis Musik Pop, Rock, Dance-pop
Pakaryan Penyanyi, Artis, Politisi
Parusahan rekaman EMI Music Indonésia
Diprabawani déning Katy Perry
Pasangan Harry Indra Nugraha (bercerai)
Anak Pernikahan karo Harry Indra Nugraha:
Tyarani Savitri
Muhammad Rafly Aziz
Pernikahan siri karo Ahmad Dhani:
Syafiya
Situs resmi http://www.mulanjameela.com

Ratu besut

Artikel utama: Ratu (grup musik)

Mulan miwiti karir dadi penyanyi café lan tau nggabung ing band kaya ta Swara Coustic, Bandung All Star lan Dhimènsi Band.[1] Ing wiwitan taun 2005, Mulan nggabung karo Maia Estianti ing duo kang misuwur ya iku Ratu lan nggawé album kang témané Ratu & Friends.[1] Tembang kang sepisanan irah-irahané Teman Nanging Mesra sukses lan ndadékaké Mulan misuwur.[1] Akèh bebungah kang diwénéhaké Mulan Jameela.[1] Album iki bisa kadol punjul 400.000 kopi lan sangsaya ndadèkaké grup band Ratu dadi grup band kang paling sukses nalika iku.[1] Taun 2006, Ratu banjur nggawé album kang irah-irahane No. Satu.[1] Album iki duwé tembang Lelaki Buaya Darat lan Dear Diary.[1] Album iki sukses lan bisa didol nganti 500.000 kopi ing minggu kang sepisanan.[1] Nanging nalika tanggal 31 Januari 2007 Mulan ngandaraké yèn dhèwèké metu saka Ratu amarga masalah transparansi prabeya ing manajemen ratu.[1]

Karir solo besut

Nalika 28 Mèi 2007, Mulan resmi nggabung karo Républik Cinta Management.[2] Album solo perdana Mulan digawé nalika sasi Januari 2008, album iki temane Mulan Jameela.[2] Kaya judhul album, Mulan wis ora nganggo jeneng "Mulan Kwok".[2] Album kang didominasi musik pop rock iki digarap karo musisi Ahmad Dhani. Album perdana Mulan iki duwé 4 hits ya iku "Makluk Tuhan Paling Sexy", "Wonder Woman", "Bukannya Aku Takut" lan "Jatuh Cinta Lagi".[2] Ing wektu kurang saka 2 sasi, album iki wis bisa kadol 75.000 kopi lan éntuk penganugrahan platinum saka EMI.[3] Saliyané iku Mulan uga ditawani kerjasama karo perusahaan raksasa telekomunikasi Malaysia, Maxis.[4] Mulan éntuk akèh penghargaan lan dadi siji-sijiné solois Indonésia kang dadi nominasi ing MTV Asia Awards 2008 ing Genting, Malaysia.[5] Ing kompilasi The Best Of Républik Cinta Artists Vol. 1, Mulan kolaborasi karo grup vokal Dewi Dewi ing single kang judhulé "Sakit Bukan Main" kang digawé sasi Agustus 2008.[3]

Ing layar lebar, Mulan dadi bintang ing filem kang judhulé Maaf Saya Menghamili Istri Anda bareng karo Ringgo Agus Rahman.[6] Film kang sepisanan iki dadi nominasi ing MTV Indonésia Movie Awards 2007 ing kategori Breaktrough Actor/Actress.[6]

Cathetan suku besut

  1. a b c d e f g h i j k l m [ Profil Archived 2010-05-10 at the Wayback Machine.(dipunundhuh tanggal 8 Juli 2011)
  2. a b c d Mulan Jameela Rilis Album Baru(dipunundhuh tanggal 8 Juli 2011)
  3. a b Artis Républik Cinta Raih Penghargaan(dipunundhuh tanggal 8 Juli 2011)
  4. Lagu dan Wajah Mulan Dijual Maxis Malaysia(dipunundhuh tanggal 8 Juli 2011)
  5. Mulan Jameela Tembus Asia(dipunundhuh tanggal 8 Juli 2011)
  6. a b Setelah Sinetron, Mulan Kwok Rambah Film[pranala mati permanèn](dipunundhuh tanggal 8 Juli 2011)