Nokia 5510
Nokia 5510 yaiku tilpun sélulèr kang diprodhuksi déning pabrikan Nokia.[2] Sèri iki kawanuhaké ing kwartal 4 taun 2001, wis ora diprodhuksi manèh lan duwé ukuran 134 x 58 x 28 mm déné boboté 155 gram. Layaré monokrom. Nokia 5510 dipekaki papan ketik QWERTY. Piranti iki dipepaki kanthi radhio FM stéréo. Headphone kudu dipasang menawa radhio arep disetèl amarga kabel headphone uga dadi antèna kanggo nyaut sinyal. Kanggo sesukan, uga ana game cacah 5 yaiku Snake II, Pairs II, Space Impact, Bantumi, Bumper. Ringtone ing tilpun iki jinis monoponik. Kanggo sesambungan lewat tulisan, bisa nggunakaké sarana SMS. Batréné bisa dicopot, nganggo jinis Li-Ion kapasitas on 950 mAh kanthi nomer sèri BLC-2 lan bisa kanggo nganti 55 jam - 260 jam nalika standby lan tahan 2 jam 30 menit - 4 jam 30 nalika kanggo nélpon. Déné kanggo sesambungan, tilpun iki nggunakaké jaringan GSM.[1]
| Mèrek | Nokia |
|---|---|
| Babar pisanan | 2001, kwartal 4 |
| Ukuran | 134 x 58 x 28 mm, 165 cc (5.28 x 2.28 x 1.10 in)[1] |
| Bobot | 155 gram (5.47 oz) |
| Panyimpenan | 64 MB |
| Panyimpenan-copot | No |
| Batré | Removable Li-Ion 950 mAh battery (BLC-2) |
| Pakatonan | Monochrome graphic 5 lines |
| Kaméra mburi | No |
| Swara | Vibration; Downloadable monophonic ringtones |
Rujukan besut
- ↑ a b "Nokia 5510 - Full phone specifications". gsmarena.com (ing basa Inggris). Dibukak ing 2018-01-17.
- ↑ "Harga dan Spesifikasi Nokia 5510 Januari 2018" (ing basa Indonesia). Diarsip saka sing asli ing 2017-05-24. Dibukak ing 2018-01-17.