Oklahoma City Thunder

Cithakan:Tim NBA Oklahoma City Thunder inggih punika tim bal basket saking kutha Oklahoma City, Oklahoma, Amérikah Sarékat ingkang kagabung wonten ing National Basketball Association. Thunder minangka inkarnasi saking tim Seattle SuperSonics ingkang sapunika boten malih ndhèrèk kompetisi NBA. Tim punika wiwit ndhèrèk NBA rikala mangsa (2008-09) kanthi tetandhingan ingkan kapisanan nglawan Milwaukee Bucks (parté tandhang), ing pundi Thundher kawon kanthi skor 98-87.

Logo Oklahoma City Thunder

Éwadéné minangka sawijining tim inkarnasi, Thundher boten migunakaken lambang, warni, lan logo SuperSonics. Sajarah SuperSonics rumiyin (1967-2008) ugi boten badhé dipunandharaken ("dipun-ginakaken sesarengan") antawising Oklahoma City NBA punapa déné tim NBA ingkang nembé wonten ing Seattle. Déné juru main ingkang nalika musm kapungkur migunakaken sragam SuperSonics (kalebet juru main ingkang dipun-draft déning Sonics nalika NBA Draft 2008) badhé main kanggé tim Oklahoma City. Manajemen tim lan pelatih kepala ingkang ngurui lan nangani tim Oklahoma City ugi kapendhet saking Seattle Sonics.

Penamaan tim besut

NBA sampun maringi deadline saperlu pados identitas énggal kanggé Oklahoma City NBA paling telat September, nanging NBA ngarepaken identitas énggal kanggé tim punika badhé dipunbiwarakaken nalika wulan Agustus.[1] Éwadéné wonten sumber ingkang ngandharaken piyambakipun caket kaliyan ingkang gadhah grup pemilik NBA ingkang ngandharaken dhumateng reporter bilih tim punika badhé dipunsukani nama Oklahoma City Thunder[2], nanging NBA maringi nama potensial kanggé tim punika: Barons, Bison, Energy, Marshalls, Wind, lan Thunder.[3]

Tundhanipun nalika tanggal 3 September 2008, Oklahoma City NBA kanthi resmi dipunbiwarakaken déning ofisial tim kanthi nama Oklahoma City Thunder lan sampun katemtokaken logonipun. Déné jersey lan maskot badhé dipunbiwarakaken ing pungkasaning wulan September.[4]

Nomor ingkang dipunpensiunaken besut

Nalika Oklahoma City taksih drnég ménsiunaken nomer jersey satunggal kemawon, Seattle Sonics sampun mensiunaken 6 nomer jersey, kalebet ugi mikropon ingkang dipundekasikaken dhateng penyiar Bob Blackburn ingkang sampun dados penyiar Sonics wiwit taun 1967 dumugi taun 1992.

Cathetan suku besut

  1. "NBA gear arrives for nameless Oklahoma City team". KFOR-TV. 2008-07-16. Diarsip saka sing asli ing 2008-08-04. Dibukak ing 2013-03-12.
  2. "Source Tells KOCO OKC NBA Team To Be Named Thunder". KOCO. 2008-07-18. Dibukak ing 2013-03-12.
  3. "New Possible Domains Registered For OKC NBA Team". KOCO. 2008-07-25. Dibukak ing 2013-03-12.
  4. "Oklahoma City will be named Thunder, wear blue, orange, yellow". KOCO. 2008-08-03. Dibukak ing 2013-03-12.

Cithakan:NBA