Pagawéyan ijo

sawijining pagawéyan kang ancasé kanggo njaga lingkungan, pagawéyan iku ing babagan padatan kaya ta manufaktur, konstruksi, lan babagan modhèrn kaya ta ènèrgi kang bisa dianyari (renewable ènèrgy) lan èfisiènsi ènèrgi

Pagawéyan ijo ya iku sawijining pagawéyan kang ancasé kanggo njaga lingkungan, pagawéyan iku ing babagan padatan kaya ta manufaktur, konstruksi, lan babagan modhèrn kaya ta ènèrgi kang bisa dianyari (renewable ènèrgy) lan èfisiènsi ènèrgi.[1]

Kagiyatan besut

Miturut Organisasi Buruh Internasional (ILO) pagawéyan ijo dumadi saka:[1]

  • Ngundhakké èfisiènsi ènèrgi lan bahan mentah.
  • Nyuda gas buang kang duwéni akibat kaya omah kaca.
  • Nyuda limbah lan polusi
  • Njaga lan mbalèkké ékosistem
  • Nyengkuyung adhaptasi anggoné owahé iklim lan lingkungan

Jinis pagawéyan besut

Pratélan iki ora komplit, nanging nyebutaké sawenèh pagawéyan kang preduli marang lingkungan kang lumrahé ditemoni lan kang rikat dhéwé rembakané:[2]

 

Juru tani ing bebrayan kutha (urban) besut

Juru tani ing bebrayan kutha lumrahé nandur tetuwuhan ana ing payon. Saka kagiyatan iku ngirit marang sawenèh babagan kaya ta pèstisida, bahan bakar, lan transportasi anggoné kirim asil panèn menyang kutha. Menawa nandur tetuwuhan ing payon bisa dadi isolasi anggoné ilangé ènèrgi, ngunggahké kwalitas hawa, lan nambahi papan wisata.

Tèknisi kwalitas banyu besut

Tèknisi kwalitas banyu duwé jejibahan kanggo ngunggahké kwalitas banyu supaya aman lan resik. Conto jejibahan kang ditindaké ya iku, sawijining Departemèn Banyu lan Ènèrgi ing Los Angeles kang nyuntak telung yuta poliètilèn ing Reservoir Ivanhoeing mangsa panas 2008. Ing reservoir iku duwéni kandhutan baktèri lan bromida, zat kang ora dikarepké kang duwéni sipat karsinogènik ing banyu kang gunggungé 58 yuta galon (220 yuta liter).

Insinyur mobil listrik besut

Transportasi ya iku sawijining babagan liyané ngenani pagawéyan ijo. Indhustri otomotif ya iku sawijing indhustri kang diperintah supaya nggunakaké bahan bakar luwih sithik lan ngetokaké polusi kang uga luwih sithik. Ing Amérikah, transportasi nggunakaké bahan bakar udakara loro per teluné, lan ngasilaké sepertelu saka gunggung gas buwang. Mobil listrik ya iku sawijining solusi kanggo ngurangi kadadéan iku. Mobil listrik uga bisa ngasilaké émisi kang luwih aman lan luwih resik.

Juru recycle besut

Ing Amérikah Sarékat loro saka telu kertas di-recycle, lan liyané dibuwang ing papan pambuangan pungkasan. Miturut Agènsi Parlindhungan Lingkungan ing Amérikah Sarékat luwih saka seperteluné bahan mentah kertas ya iku saka kertas bekas kang diolah. Pagawéyan iki duwéni pasumbang kang gedhé marang pagawéyan ijo. Miturut EPA statistik, recycle sakton kertas bekas bisa ngirit ènèrgi ing pamohan Amérika kang suwéné setengah taun, ngirit banyu 7.000 galon (26.500 litèr), lan ngurangi gas omah kaca kang gunggungé sakmètrik ton ekivalèn karbon.

Élmuwan alam besut

Urip ing jaman saiki, diperlukaké urip kang bisa sinambungan lan ékonomi kang luwih aman lingkungan. Mula dibutuhaké pegawé kang profésional kanggo ngawasi lan nganalisis akibat kang ditampa déning manungsa lan lingkungan lan sumber daya alam supaya bisa sinambungan lan ora cures. Salah sawijing conto pagawéyan iki ya iku élmuwan kang nyelem ing The Great Barrier Reef , Ostrali kanggo ngukur tataran uyah banjur diteliti. Saka asil iku dianalisis akibaté marang lingkungan lan panyebabé.

Tèknisi sèl srengéngé besut

Tèknisi sel srengéngé duwéni jejibahan kanggo masang lan mbenakké sèl srengéngé. Miturut Komisi Éropah, prodhuksi sèl srengéngé lan sistem fotovaltik munggah ping pindho saka 10 taun kepungkur. Regané sèl srengéngé saya murah lan duwéni éfisiènsi kang luwih gedhé. Led Jèrman duwéni pegawé udakara cacah 40.000 kanggo ngurusi babagan sèl srengéngé. Perusahaan iku uga ngasilaké udakara 30 persèn tenaga fotovaltik ing donya. Pangguna sèl srengéngé kang gedhé dhéwé ang ing Jepang lan Amérikah Sarékat. Ing negara kang lagi bangun, panggunané uga saya akèh kanggo disalurké menyang papan ing padhésan lan mlarat.

Insinyur ènèrgi ombak besut

Ombak iku salah siji sumber ènèrgi kang bisa dianyari. Ombak ing sagara duwéni potènsi ènèrgi kang gedhé, nanging isih indhustriné isih cilik. Sagara obah kanthi terus-terusan lan nyebabaké anané solah. Salah sawijing piranti kang bisa nangkep anané solah iki ya iku generator Pelamis P2 kang bisa ngowahi soalhé ombak dadi sumber tenaga. Ing sasi Novèmber 2011, rig kang dawané 590 feet (180 mèter) kanthi bobot 1.390 ton manggon ing Hoy, Kapuloan Orkney Skotlandia dikukuhahké piranti sagara komèrsil kapisan kang bisa ngasilaké ènèrgi ing tengahé sagara. Piranti iki ngasilaké 750 kW lan bisa nyukupi listrik ing 500 omah. Piranti iki dumadi saka 5 tabung kang digayutaké marang sambungan kang lentur ing rong arah. Ombak nekuk sapérangan tabung kang karendem ing sambungan iki. Tabung iki isiné tabung hidrolik kanggo nahan soalhé ombak lan mompa banyu menyang akumulator sing duwéni tekanan kanggo ngasilaké listrik. Listrik iku banjur dikirimké menyang dharatan nganggo kabel kang manggon ing sagara.

Buruh ènèrgi angin besut

Administrasi Informasi Ènèrgi Amérikah Sarékat wedharaké ing taun 2010 ènèrgi angin tuwuh kathi rikat. Saka 28 nganti 60 persèn tuwuhé saben taun. Mula saka tuwuhé ènèrgi angin bisa nyumbang 2,3 persèn saka gunggung ènèrgi nasional. Asosiasi Ènèrgi Angin Éropah nglapuraké 6,3 persèn ènèrgi negara Uni Éropah saka ènèrgi angin ing taun 2011. Para panyengkuyung ènèrgi angin duwé kapitayan menawa indhustri iki ngrembaka dadi indhustri kang gedhé, udakara satelon saka donya ing taun 2050.

Pagawé bahan bakar hayati besut

Undhang-undhang Kamardikan lan Kaamanan Ènèrgi ing taun 2007 wedharaké amanat menawa bahan bakar kang bisa dianyari kudu saya akèh saka 9 miliyar galon (34 milyar liter) bahan bakar motor Amérikah Sarékating taun 2008 dadi 36 miliyar galon (136 miliyar liter) ing taun 2022. Aturan iki nyebabaké tuwuhé pegawé bahan bakar hayati. Pagawéyan-pagawéyan kang tuwuh kaya ta konstruksi lan operasi pabrik étanol lan bahan bakar hayati, prodhuksi bahan mentah, lan ngyasa rencana pangiriman.

Miturut negara besut

Amérikah Sarékat besut

Miturut Biro Statistik Tenaga Kerja Amérikah Sarékat, ana 10 pagawéyan kang nglibatké lingkungan lan nglestarèkaké sumber daya alam. Ing sawenèh pagawéyan kang duwéni upah luwih ping pindho saka upah rata-rata. Élmuwan atmosfer lan angkasa duwéni upah gedhé dhéwé ya iku USD 94.110. Sepuluh pagawéyan ijo ing Aérikah Sarékat antarané élmuwan atmosfer lan angkasa, insinyur lingkungan, juru hidrologi, élmuwan lan juru lingkungan, élmuwan lemah lan tetuwuhan, élmuwan njaga ékosistem, tèknisi lan insinyur lingkungan, tèknisi alas lan njaga ékosistem, tèknisi élmuwan alas lan njaga ékosistem, lan tèknisi alas lan njaga ékosistem.[3]

Jepang besut

 
Panèl srengéngé kang kapasang ing AEON Mall, Jepang

Nalika anané krisis OPEC ing taun 1973-1974, 99% ènèrgi ing Jepang kalebu gumantung saka impor. Nanging saiki, listrik ing Jepang dirembakaaké nggunakaké tenaga srengéngé. Béaya ènèrgi saka srengéngé lan batu bara cukup undha-undhi. Ing tataran donya indhustri panèl srengéngé Jepang nguwasani 26% pasar global. Ing taun 2030 Jepang duwé ancas supaya 30% pomahan nggunakaké tenaga srengéngé.[4]

Ostrali besut

Luwih saka 2,3 GW ènèrgi anyar kang bisa dianyari lumebu ing pasar Ostrali ing taun 2018. Ing taun kang padha 38 proyèk uga bisa dirampungi. Payon panèl srengéngé uga ditambahaké 1,55 GW. Saka kagiyatan iku, Ostrali éntuk 21% saka persèntase ènèrgi kang bisa dianyari, kang gunggung iku luwih cukup kanggo nyukupi pomahan ing negara iku.

Ing pungkasan taun 2018, proyèk kang dibangun kanggo ngasilaké 14,8 GW lagi diyasa. Kagiyatan iku duwéni aji invèstasi kang gedhéné $ 24,5 milyar lan gunggung pegawé luwih 13.000.[5]

Indonésia besut

Pasamuwan mentri tenaga kerja ASEAN lan negara Jepang, Koréa, lan Cina ing ASEAN Labour Ministers Meeting (ALMM) ka-25 ing Kuala Lumpur ngasilaké putusan kanggo mbiyawarakaké pagawéyan ijo. Miturut wedharané Mentri Tenaga Kerja, M. Hanif Dhakiri Indonésia wis ngupayakaké anggoné ngetrepaké pagawéyan ijo. Upaya-upaya iku antarané genjot gladhèn vokasi kanggo ngunggahé kaprigelan pagawé marang green skill, green productivity lan kslamatan an keséhatan kerja. Ing tataran pawiyatan luhur uga turut ngembangaké green productivity dan green accounting.[6]

Rujukan besut

  1. a b "What is a green job ?" (ing basa Inggris). 2016-04-13. {{cite journal}}: Cite journal requires |journal= (pitulung)
  2. "11 of the Fastest Growing Green Jobs". National Geographic (ing basa Inggris). 2012-06-20. Dibukak ing 2020-03-24.
  3. Torpey, Elka. "Earning green by working green: Wages and outlook in careers protecting the planet : Career Outlook: U.S. Bureau of Labor Statistics". www.bls.gov (ing basa Inggris). Dibukak ing 2020-03-28.
  4. "Green Jobs and the Clean Energy Economy" (PDF).
  5. "Clean Energy Report". Clean Energy Council (ing basa Inggris). Dibukak ing 2020-03-31.
  6. Kemnaker. "Menteri Ketenagakerjaan ASEAN+3 Sepakat Perkuat 'Green Jobs'". ekonomi (ing basa Indonesia). Dibukak ing 2020-03-28.