Persebaya Surabaya

pakumpulan bal-balan ing Indonésia

Persatuan Sepak bola Surabaya (disingkat Persebaya) ya iku sawijining tim bal-balan Indonésia kang basisé ana ing Kutha Surabaya, Jawa Wétan, Indonésia.[1] Persebaya saiki main ana ing Liga Premier Indonésia.[1] Wiwit taun 2010, kanthi anané kontroversi penyelenggaraan Liga Primer Indonésia (LPI), Persebaya banjur maleh dadi Persebaya 1927 dadi salah siji LPI.[1] Suporter saka tim Persebaya dikenal karo jeneng bonek (bondo nekat) amarga saking fanatike marang klub asal Kutha Surabaya iki.[1]

Persebaya Surabaya
Logo Persebaya
Jeneng dawaPersatuan Sepak bola
Surabaya
ParabanBajul Ijo (id: Buaya Hijau) (Inggris: The Green Crocodile)
Kekuatan Hijau (Inggris: Green Force)
Yasa1927
SetadhiyonGelora Bung Tomo,
Surabaya, Indonésia
Momotan55.000
LigaLiga Super Indonésia,
2022/23Divisi Utama, Peringkat 6
Kandhang
Njaban
Current season

Sajarah besut

Persebaya didirikake déning Paijo lan M. Pamoedji tanggal 18 Juni 1927.[2] Ana ing wiwitan ngadege klub iki, Persebaya duwé jeneng Soerabhaiasche Indonesische Voetbal Bond (SIVB).[2] Nalika iku ana ing Surabaya uga ana klub kang jenenge Sorabaiasche Voebal Bond (SVB), bonden (klub) iki digawé nalika taun 1910 lan pemaine ya iku wong-wong Walanda kang ana ing Surabaya.[2] Nalika tanggal 19 April 1930, SIVB bareng karo VIJ Jakarta, BIVB Bandung (saiki Persib Bandung), MIVB (saiki PPSM Magelang), MVB (PSM Madiun), VVB (Persis Sala), PSM (PSIM Yogyakarta) mèlu andil ana ing laire Persatuan Sepak bola Seluruh Indonésia (PSSI) ana ing pertemuan kang dianakake ing Societeit Hadiprojo Yogyakarta.[2] SIVB ana ing pertemuan iku diwakili déning M. Pamoedji.[2] Setaun sawisé iku banjur kompetisi taunan antar kutha utawa perserikatan diselenggarakake.[2] SIVB bisa lumebu final kompetisi perserikatan nalika taun 1938.[2] Nalika Walanda kalah saka Jepang taun 1942, prestasi SIVB kang meh kabehan saka pemaine ya iku juru main pribumi lan ana sithik kang turunan saka Tionghoa bisa lumebu manèh menyang final sadurungé dikalahake déning Persis Sala.[2] Pungkasane nalika taun 1943 SIVB ganti jeneng dadi Persibaja (Persatuan Sepak Bola Indonésia Soerabaja).[2] Ana ing jaman iki Persibaja diketuai déning Dr. Soewandi.[2] Jaman semana, Persibaja bisa menagake lan dadi juara nalika taun 1950, 1951 lan 1952.[2]

Cathetan suku besut

  1. a b c d "bola.vivanews.com". Diarsip saka sing asli ing 2011-01-13. Dibukak ing 2022-06-27.
  2. a b c d e f g h i j k "Situs Resmi Persebaya Surabaya persebayafc.com". Diarsip saka sing asli ing 2022-05-24. Dibukak ing 2022-06-27.