The Football Association Challenge Cup, utawi ingkang asring dipunsebat Piala FA, inggih punika kompetisi bal-balan ingkang ngginakaken sistem palastra ingkang dipunwontenaken saben taun ing Inggris. Kompetisi punika dados kompetisi ingkang paling sepuh ing donya.[1] Kompetisi punika dipunwastani ugi dipunwontenaken déning 'The Football Association|Asosiasi Sepak Bola Inggris (FA) ingkang dados pesertanipun tim-tim bal-balan ing Inggris ingkang jaler, déné ingkang wanita ugi dipunwontenaken, nanging kanthi sebatan ingkang bènten.

Piala FA
Dibentuk1871
Wilayah Inggris
Gunggung tim758 (2012–13)
Juwara bertahanWigan Athletic (gelar petama)
Klub paling suksèsManchester United (11 gelar)
Stasiun televisi penyiarITV
ESPN
Situs webSitus resmi
Piala FA 2013–14

Piala FA ingkang pisanan dipunwontenaken ing warsa 1871-72. Turnamen punika kanggé sadaya tim ingkang ndhèrèk Liga Primer, Football League, Football Conference lan tim-tim ing Step 3-5 sarta tim-tim Step 6 ingkang kapilih saking Sistem Liga Nasional[2].

Kompetisi pisanan besut

KOmpetisi punika dipunwiwiti ing warsa 1871-1872, lan namung wonten 17 tim ingkang dherek. Wanderers, tim ingkang dipunsengkuyung déning tiyang-tiyang sekolah nagari lan dipunisi pemain saking universitas, dados juwara. Ing final, Wanderers ngalahake Kennington Oval, 1-0. Ing bal-balan iku dipunpirsani 2.000 tiyang, ingkang nyetak gol Wanderers inggih punika Morton Betts.

Piala besut

Piala kang diangkat Betts lan kanca-kanca wujudipun langkung alit saking piala ingkang sapunika. Piala mau rancanganipun Messrs, Martin and Hall Co, lan reginipun 20 poundsterling.

Warsa 1895, nalika Aston Villa dados juwara kompetisi punika, trofi mau ical nalika dipajang ing Birmingham. Ngantos sapunika, piala asli mau dèrèng dipuntemokake.

Stadion Wembley besut

Wiwit warsa 1923, final Piala FA diwontenaken ing Stadion Wembley. Stadion punika dipunpilih awit pangarsanipun Duke of York, ingkang dados Raja George VI. Stadion ingkang dados pralambang bal-balan ing Inggris punika dipunyasa kanthi nelasake prabeya 750.000 poundsterling.

Tim ingkang pisanan ngginakaken stadion punika ing final Piala FA inggih punika Bolton Wanderers lan West Ham United. Final punika kacathet ing sujarah, amargi cacahipun suporter ngantos 200.000 suporter, ngantos dumugi ing pinggir lapangan.

Warsa 2001-2006, Stadion Wembley direnovasi lan final Piala FA dipunpindhah ing Stadion Millennium, Cardiff. Wiwit warsa 2007, Piala FA finalipun wangsul malih ing Stadion Wembley. Final punika antarané Chelsea kaliyan Manchester United.

Manawi final ing Wembley warsa 1923 dados final ingkang suprteripun ingkang kathah piyambak, manawi ing bal-balan Aldershot Town nalika warsa 1986 dados bal-balan ingkang paling kedhik suporteripun. Wekdal punika mungsuhipun Oxford United ingkang namung dipunpirsani 2.034 suporter.

Rekor dan Final besut

Sadangunipun sujarah, rekor gol ingkang kathah piyambak dipuncepeng déning Nottingham Forest. Rekor punika kacathet ing warsa 1890-1891 nalika ngalahake Clapton, 14-0.

Rekor rata-rata pemain paling sepuh dipuncepeng déning Arsenal. "The Gunners" wekdal final punika dipunsengkuyung para pemain ingkang yuswanipun rata-rata 31 taun ing tim inti, kasil ngalahake Liverpool ing warsa 1950.

Ngantos sapunika warsa 2013, Manchester United dados tim ingkang saged juwara ingkang kathah piyambak, inggih 11 gelar.

Awit warsa 1872, wonten 12 tim ingkang ngantos final, nanging boten naté menang. Tim punika kados ta Bristol City, Birmingham City, Leicester City, Luton Town, Fulham, Queens Park Rangers, Brighton & Hove Albion, Watford, Crystal Palace, Middlesbrough, lan Millwall. Déné, Leicester City sampun kaping sekawan mlebet ing final (warsa 1949, 1961, 1963, dan 1969), lan dèrèng naté menang.

Salah satunggal final ingkang saé , kadadosan wonten 3 gol ing injury time. Kadadosan punika wonten ing warsa 1979, punika wekdal Arsenal ngalahake Manchester United 3-2. Ing babak pisan Arsenal menang 1-0, banjur ditambah dados 2-0 ing babak kalih. Nanging ing tambahan wekdal 2 menit ing pungkasan, Manchester United saged ngimbangi dados 2-2, lajeng Alan Sunderland damel gol ing satunggal menit pungkasan lan beta Arsenal menang.

Final warsa 2006, nalika Liverpool ngalahake West Ham ing adupinalti, dipunanggep dados final ingkang saé piyambak. Wekdal punika Liverpool ingkang dados favorit juwara kalah rumiyen saderenge mlebet ing injury time babak kalih Steven Gerrard saged ndamel imbang. Nanging "The Reds" ing pungkasane babak tambahan dados imbang 3-3. Liverpool menang saking.

Juwara Piala FA besut

Jumlah juara Klub
11 Manchester United
10 Arsenal
8 Tottenham Hotspur
7 Liverpool, Aston Villa, Chelsea
6 Newcastle United, Blackburn Rovers
5 Manchester City, Everton, West Bromwich Albion, Wanderers
4 Bolton Wanderers, Sheffield United, Wolverhampton Wanderers,
3 Sheffield Wednesday, West Ham United
2 Bury, Nottingham Forrest, Old Etonians, Preston North End, Sunderland, Portsmouth
1 Barnsley, Blackburn Olympic, Blackpool, Bradford City, Burnley, Cardiff City, Charlton Athletic, Clapham Rovers, Coventry City, Derby County, Huddersfield Town, Ipswich Town, Leeds United, Notts County, Old Carthusians, Oxford University, Royal Engineers, Southampton, Wigan Athletic, Wimbledon

Catatan: Tim yang ditulis miring sudah tidak ada.

Cathetan suku besut

  1. "FA Cup on ESPN". espn.com.au. Dibukak ing 30 Agustus 2012.[pranala mati permanèn]
  2. "FA Competition Applications - Season 2012-13". TheFA.com. Dibukak ing 30 Agustus 2012.