Pulau Ganghwa (Ganghwa-do) inggih menika satunggaling pulo ingkang mapan wonten ing pesisir kulon Semenanjung Korea. Pulo Ganghwa menika cerak kaliyan muara Kali Han.[1] Dipunsambetaken kaliyan kutha Gimpo ing dharatan utama Korea kaliyan kreteg. Pulau Ganghwa menika dipun-gabungaken kaliyan kutha metropolitan Incheon wiwit saking taun 1995 lan dados bagéyn kulon kutha kasebat. Pulau menika dipundadosaken minangka papan kanggé pikantuk pangayoman lan ugi dados ibukota darurat Dinasti Goryeo (918-1392) sedangunipun 38 taun nalika wonten prastawa Invasi Mongo (1232-1270). Amargi papanipun ingkang strategis, inggih menika kanggé njagi ibukota, Pulau Ganghwa menika asring dados papan perang antawisipun bangsa ingkang badhé mlebet dhateng Seoul.

Pulo Ganghwa
Situs Dolmen Ganghwa
Hangul강화도
Hanja江華島
Alihaksara Koréa Kang SinampurnaGanghwado
McCune–ReischauerKanghwado

Situs sejarah besut

Kathah situs sejarah lan tilaran saking perang ingkang tasih wonten ing pulo menika, lan ugi tasih dados objek wisata sejarah. Kejawi menika, pulau menika dipunmangertosi minangka salah salah satunggaling situs wigati ingkang gadhah dolmen, sela (watu) saking periode megalitikum. Saperangan situs wigati ing antawisipun:

  • Benteng Gunung Ganghwa, dipunbangun kanggé njaga ibukota darurat Dinasti Goryeo. Salajengipun wonten ing periode Dinasti Joseon (1392-1910), dipunkiyataken kanggé nangkis serangan bangsa asing ingkang nyerang Korea, kadosdene Invasi Qing (1627), kapal perang Jepang (1875), kapal perang Perancis (1866) lan kapal perang Amerika Serikat (1871).
  • Benteng Chojijin, papan mandhapipun pasukan Perancis (1866), pasukan Amerika Serikat (1871).
  • Gunung Mani (Mani-san), inggih menika gunung ingkang dipunkeramataken amargi dipunpercaya dados papan Dangun ngawontenaken upacara kurban ing saben mangsa semi lan gugur wonten ing satunggaling altar ingkang dipunsebat Chamseongdan. Papan menika ramé déning para peziarah ing Gaecheonjeol saben tanggal 3 Oktober.
  • Situs Dolmen Ganghwa, gadhah langkung saking 120 dolmen, salah satunggalipun menika ingkang paling ageng wonten ing Korea. Situs menika dipunlestantunaken minangka Situs Warisan Donya UNESCO ing taun 2000.

Rujukan besut

  1. Chŏng-su., Sŏ,; Bernard., Rowan,; Yoon-jung., Cho,; 정수., 서 (2004). An encyclopaedia of Korean culture = Hanʼguk munhwa paekkwa sajŏn (édhisi ka-English ed). Seoul, Korea: Hansebon. ISBN 8974761483. OCLC 61362958. {{cite book}}: |edition= has extra text (pitulung)CS1 maint: extra punctuation (link)