Pulo Moyo
Pulo Moyo ugi dipunsebat Pulo Mojo inggih punika salah satunggaling pulo ing Indonésia ingkang dumunung udakawis 2,5 km ing sisih lor Pulo Sumbawa.[1] Ambanipun Pulo Moyo kirang langkung 350 km2, kanthi dhuwuripun paling inggil 671 mèter, lan garis pasisirnipun 88 km. Ing administratif, pulo punika kalebet wewengkon Kabupatèn Sumbawa, Nusa Tenggara Barat, Indonésia. Pulo Moyo kalebet ing désa Labuan Aji saha Désa Sebotok, kacamatan Labuhan Badhas, Kabupatèn Sumbawa, provinsi Nusa Tenggara Barat. Miturut cathetan astronomis-ipun, Pulo Moyo mapan wonten ing titik koordinat 17º27’43”-117º35’42” Bujur Timur dan 8º9’36”-8º23’19” Lintang Selatan.
| Pulo Moyo Pulo Mojo | |
|---|---|
| Pulo | |
| LaladanPasisir 88 km | |
| • Gunggung | 350 km2 (140 sq mi) |
| Élepasi | 85−160 m (−440 ft) |
Géografi besut
Pulo Moyo mapan wonten ing sisih loripun saking Pulo Sumbawa Besar. Ambanipun Pulo Moyo inggih punika kirang langkung 32.044,86 hektar kanthi cacahipun pendhudhuk miturut sensus pendhudhuk taun 2010 inggih punika 1.944 tiyang.[2] Pulo Moyo sapunika sanpun dipundadosaken Taman Wisata Alam Laut kanthi ambanipun ngantos 6.000 hektar wiwit dipunwedalaken surat putusan mantri kehutanan dan perkebunan no. 308/KPTs-11/1986 nalika tanggal 29 September 1986 ing ngandhap pengendalian Badan Konservasi sumber daya alam Nusa Tenggara Barat. Ing Pulo Moyo wonten 6 dhusun ingkang wonten pendhudhukipun, inggih punika:
- Dhusun Labuan Aji
- Dhusun Brang Rea
- Dhusun Sebotok
- Dhusun Brang Kua
- Dhusun Stema
- Dhusun Patedong
Pulo Moyo taksih gadhah raman buru ingkang ambanipun kirang langkung 22.000 hektar, dados taksih kathah potensi wisata ingkang saged dipunpadosi saha saged paring kontribusi dhateng Pamaréntah Laladan Nusa Tenggara Barat saha masarakat ing sakiteripum. Taman buru ingkang mapan ing pulo Moyo punika saé sanget dipundadosaken papan wisata amargi ing salebetipun taman taksih wonten manéka warna flora saha fauna, mliginipun manuk Cacatua Sulphurea saha manuk bertong.
Kaanan Fisik besut
Iklim ing Pulo Moyo inggih padatanipun iklim tropis kanthi curah udanipun ing antawisipun 1250 mm/th ing laladan ingkang andhap ngantos 1500– 2000 mm/taun ing laladan dataran inggil. Jinising siti ing pulo Moyo punika inggih siti regosol kelabu saha Litosol bahan induk awu vulkanis intermediate.[3] Kaanan wewengkon perairanipun ing Taman wisata alam laut pulo Moyo inggih gadhah perairan ingkang landai.