Puppis
Puppis (/[unsupported input]ˈpʌpᵻs/) inggih punika satunggaling rasi lintang ingkang mapan wonten ing belahan langit sisih kidul.[1] Puppis inggih nama Latin saking dek kapal lan Puppis inggih punika pérangan geladak kapal. Puppis ing purwakanipun inggih kalebet péranganing konstlasi kapal-kapal ageng Jason lan Argonauts, Argo Navis ingkang sasampunipun pinten-pinten abad kapérang dados tigang pérangan, inggih punika Carina (pérangan lambung lan rodhanipun]] lan Vela (pérangan layar kapalipun). Puppis inggih punika lintang ingkang paling ageng saking tigang rasi lintang wonten ing derajat persegi punika. Puppis inggih punika salah satunggal saking 88 rasi lintang modhern ingkang dipunakeni déning International Astronomical Union.
| PUPPIS | |
|---|---|
 | |
| Cekakan | Pup |
| Genitif | Puppis |
| Asensio rekta | 7.5 |
| Deklinasi | −30 |
| Area | 673 derajad pesagi (#20th) |
| Lintang utama | 9 |
| Lintang Bayer/Flamsteed | 76 |
| Lintang mawa planèt | 6 |
| Lintang padhang | 1 |
| Lintang cedhak | 3 |
| Lintang paling padhang | ζ Pup (Naos) (2.25m) |
| Lintang paling cedhak | LHS 1989 ( tc) |
| Obyèk Messier | 3 |
| Udan météor | Pi Puppids Zeta Puppids Puppid-Velids |
| Rasi lintang sing wewatesan | Monoceros Pyxis Vela Carina Pictor Columba Canis Major Hydra |
| Katon antara lintang +40° lan −90°. Katon paling cetha ing wektu 21.00 jroning sasi February. ' | |
Lintang-lintang besut
Konstelasi Puppis gadhah area ingkang ambanipun kirang langkung 673 drajat persegi lan ngewrat enem lintang ingkang dipunmangertosi dados planit-planit. Rasi lintang punika saged dipuntingali ing garis lintang ing antawisipun +40° lan-90°, lan wekdal ingkang saé piyambak kanggé ningali rasi lintang punika inggih jam 9 dalu ing sasi Pebruari. Lintang ingkang padhang piyambak ingkang wonten ing konstelasi punika inggih zeta Puppis, utawi ingkang misuwur kanthi sebatan "Naos" ("kapal") lan "Suhail Hadar. Lintang punika inggih lintang ingkang benter sanget ingkang kalebet lintang tipe O, ingkang saged dipuntingali langsung kanthi mripat. Massanipun lintang punika inggih langkung awrat ping 59 tinimbang massanipun srengéngé, lan temperatur ing njawinipun inggih punika 42.400 K. Naos inggih punika lintang ingkang asring pindhah-pindhah, ingkang punika dipundamel saking molekul awan, lintang ingakng dipunbentuk saking konstelasi Vela, ingkang tebihipun 400 taun cahya. Pi Puppis inggih lintang ingkang padhang piyambak nomer kalih, ing konstelasi punika, ingkang papanipun caket lan wonten ing sakiteripun konstelasi Canis Major. Punika kalebet lintang ingakng ingkang padhang piyambak wonten ing Collinder 135. Nama tradhisionalipun saking pi Puppis inggih punika Ahadi, ingkang kalebet lintang raksasa kelas K, ingkang tebihipun kiran langkung 925 taun cahya, kanthi magnitudonipun 2,70. Tingkat padhangipun langkung bening ping 19.200 saking srengéngé. Puppis mapan leres wonten ing galaksi Bimasekti lan ngewrat satunggaling kluser lintang ingkang narik kawigatosanipun para panaliti. essier 93 (NGC 2447), inggih punika satunggaing kluster ingkang kebikak ingkang tebihipun kirang langkung 3.600 taun cahya, kanthi radiusipun ing antawisipun 10 lan 12 taun cahya. Messier 46 (NGC 2437) inggih punika kluster kebikak ingkagn padhang lan wiyar ingkang tebihipun kirang langkung 5.500 taun cahya saking bumi. Kluster punika ngewrat planit nebula NGC 2438. NGC 2451 inggih kluster kebikak sanèsipun, ingkang tebihipun 850 taun cahya lan umuripun sampun kirang langkung 36 milyar taun. Kluster punika ngewrat 40 lintang, kanthi lintang ingkang padhang piyambak inggih punika raksasa jene kanthi magnitudo 3,6.[2]
Puppis ugi kalebet wonten ing konstelasi kullawraga Heavenly Waters, sesarengan kaliyan galaksi Delphinus, Equuleus, Eridanus, Piscis Austrinus, Carina, Pyxis, Vela lan Columba. Konstelasi ingkang wonten ing sakitering Puppis inggih punika konstelasi Monoceros, PyxisHydra, Carina, Vela, Pictor, Columba, lan Canis Major.[3]
Uga delengen besut
Cathetan suku besut
- ↑ Puppis Archived 2012-05-04 at the Wayback Machine. (dipunundhuh tanggal 14 Pebruari 2013)
- ↑ Star Tales – Puppis (dipunundhuh tanggal 14 Pebruari 2013)
- ↑ The Deep Photographic Guide to the Constellations: Puppis (dipunundhuh tanggal 14 Pebruari 2013)