Rio Febrian (lair ing Jakarta, 25 Fèbruari 1981; umur 43 taun) inggih punika jaler saking keturunan Betawi lan Manado.[1][2] Rio gadhah profesi minangka penyanyi.[1] Saderengipun terjun dhateng indhustri rekaman, Rio asring ndhèrèk lomba nyanyi.[1] Kompetisi ingkang kapisan nalika umuripun nembé sangang taun, ing Kutha Bogor.[1] Saderengipun album solo ingkang perdana dipunrilis, ing taun 2000 kaliyan Erra Fazira saking Malaysia, Rio nyanyi lagu lawas karyanipun Fariz RM ingkang dipunnyanyikaken kaliyan Neno Warisman, Nada Kasih.[1] Salajengipun Rio Febrian nherek grup Elfa's Choir.[1] Kaliyan Elfa's Choir, Rio ndhèrèk kompetisi paduan swanten internasional, inggih punika ing adicara Choir Olympic 2000 ing Linz, Ostenrik, lan pikantuk Juwara I Male Ensemble lan Juwara I Adult Choir.[1] Album ingkang kapisan dipunparingi irah-irahan sami kaliyan namanipun Rio Febrian lan dipunrilis ing taun 2001, kanthi lagu unggulan karyanipun Yovie Widianto ingkang irah-irahanipun Bukan Untukku.[1] Wonten ing madyaning taun 2009, Rio ngliris albumipun ingkang nomer kalih Ku Ada Disini, lan hit singel kanthi irah-irahan ingkang sami.[1] Wonten ing album kasebat wonten tigang lagu karyanipun Rio piyambak, inggih punika lagu Rasa, Cinta Kita, lan Kasih.[1] Maret 2009, Rio nglisris albumipun ingkang paling énggal ingkang dipunparingi nama Aku Bertahan.[1]

Rio Febrian Samandan

Biodata
Lair (1981-02-25) Fèbruari 25, 1981 (umur 43)
AsalIndhonésia Jakarta, Indonésia
GenrePop
PakaryanPenyanyi
PasanganSabria Kono
Situswebhttp://riofebrian.com

Cathetan suku besut

  1. a b c d e f g h i j k Rio Febrian dipunundhuh tanggal 29 Juli 2011)
  2. Situs pribadi Archived 2011-11-26 at the Wayback Machine. dipunundhuh tanggal 29 Juli 2011)

Pranala njawi besut

Rio Febrian