Rossa
Rossa penyanyi Indonésia kang duwé jeneng dawa, Sri Rossa Roslaina Handiyani (lair ing Sumedang, 9 Oktober 1978; umur 45 taun) kang kondhang amarga nembangaké tetembangan sedhih, kaya ta Nada-Nada Cinta, Tegar, Hati Yang Terpilih, Atas Nama Cinta, Kini, Ayat-Ayat Cinta, Hey Ladies, Hati Yang Kau Sakiti, Tega, Cerita Cinta, Pudar, Ayar Ayat Cinta dan Tega, Dhèwèké penyanyi musik pop.[1] Kamampuan nyanyiné diturunaké saka ibuné, Eni Kusmiani, kang saiki dadi mantan penyanyi Cianjuran lan bapané iku wiraswasta, asma bapané Ukas Hasan Irawan.[1] Dhèwèké dhéwé iku anak kaping pisanan saka telung saudara, dhèwèké duwé adhi kang arané Iwan lan Hendra.[1]
| Rossa | |
|---|---|
| Lair | Sri Rossa Roslaina Handayani Oktober 9, 1978 Sumedang, Jawa Barat, Indonesia |
| Padunungan | Jakarta, Indonesia |
| Bangsa | Indonesia |
| Jeneng liya | Rossa, Ocha |
| Pakaryan | Penyanyi, Artis |
| Kutha asal | Jakarta |
| Dhuwur | 155 cm (5 ft 1 in) |
| Sana jaringan | http://www.pecintarossa.com/ |
Debut album Rossa kang pisanan judhulé UNTUK SAHABATKU, dirillis ning taun 1988, isiné tetembangan anak - anak kang alunan musiké dikerjakaké déning Franky Sahilatua, James F Sundah, Uce F Tekol, Areng Widodo lan Alex Lia.[1]
Sawisé ngrilis album kang pisanan, dhèwèké ngrilis album kang kaping loroné.[1] Album kang kaping loroné iku judhulé NADA NADA CINTA, dirilis nalika taun 1996.[1] Tetembangan kang ana ning album mau olih atur sapala kang apik saka masarakat.[1] Dhèwèké tambah kondhang nalika ngrilis album kang judhulé TEGAR (2000), ning tetembangan kang ana ning album mau uga dadi theme-song sinétron kang disutradarani Putu Wijaya.[1] Sinetron iku judhulé SUAMI, ISTRI DAN DIA.[1] Sinetron mau diputer ning stasiun TV, RCTV.[1]
Dhèwèké lulusan saka Universitas Indonésia jurusan FISIP nalika Fèbruari 2002.[1] Duwé anak siji kang dijenengi Rizky Langit Ramadhan.[1]
Album-album besut
Album-album déning Rossa[1]:
- HATI YANG TERPILIH (2000),
- KINI (2002),
- KEMBALI (2004).
- YANG TERPILIH, album iki isiné tetembangan kang dinyanyikaké manèh. Malah, album iki uga dirilis ning Malaysia nalika sasi Mèi taun 2007.
- ROSSA (2009)
Amarga dhèwèké sukses anggoné milih karir solo, dhèwèké dipercaya kanggo nyanyikaké soundtrack filem religi kang judhulé AYAT-AYAT CINTA.[1] Direwangi karo artis Melly Goeslaw, Rossa nrilis album OST AYAT-AYAT CINTA nalika taun 2008.[1]
26 November taun 2008 dhèwèké ngadakaké konser tunggal.[1] Konser tunggal iku temané Persembahan Cinta, konser iki direwangi karo komposer kodhang, Erwin Gutawa lan Jay Subiakto dianakaké ning Jakarta Convention Center (JCC).[1]
Taun 2009, dhèwèké ngrilis albumé kang kaping lima.[1] Nalika taun iku, dhèwèké lagi ana masalah anggoné bebrayanan karo Yoyo.[1] Album iku dijuduli ROSSA (2009) karo tetembangan kang dadi andalan ya iku Terlanjur Cinta kang diripta déning Yoyo.[1] Tetembangan mau dinyanyikaké kanthi duet bareng karo Pasha Ungu.[1]
Tanggal 22 Juni taun 2009, Rossa ngajukaké gugatan cerai marang bojoné, Yoyo.[1] Sidang kang pisanan ditindakaké nalika tanggal 30 Juni taun 2009 lan nalika tanggal 14 Juli taun 2009, pasangan iki sah anggoné cerai.[1] Taun 2011, Rossa olih gelar bangsawan Mas Ayuu Tumenggung Sri Rossa Swarakaloka saka karaton Surakarta, salah sijiné karaton kang gedhé ning Indonesia.[2]