Rudy Hartono
Rudy Hartono Kurniawan (Hanzi: 梁海量, Nio Hap Liang; translasi fonetik nama Indonésianipun dhateng basa Tionghoa: 哈托诺 Hatuonuo; lair ing Surabaya, Jawa Wétan, 18 Agustus 1949; umur 74 taun) inggih punika tilas atlet badminton Indonésia.[2] Panjenengan naté menangaken kajuwaraan donya ing taun 1980, lan Kajuwaran All England ngantos wolung taun nalika taun 1960-an lan 1970-an.[2][3]
| Rudy Hartono | |
|---|---|
 | |
| Katerangan pribadi | |
| Jeneng jangkep | Rudy Hartono Kurniawan Chinese: Nio Hap Liang [1] |
| Nagara |  Indonésia |
| Dhuwur | 1.78 m (5 ft 10 in) |
| Tangan sing dipigunakaké | Kanan |
| Event | Tunggal Pria |
Kariér Profesionalipun besut
Sasampunipun ndhèrèk grup gadhah ramanipun, wusananipun Rudy lajeng pindhah dhateng grup badminton ingkang langkung ageng inggih punika Rajawali Group ingkang sampun kathah ngasilaken atlet badminton donya.[3] Wiwitanipun ndhèrèk grup punika, Rudy sampun ngraos manggihi papan ingkang saé kanggé ngembangaken bakatipun.[3] Nanging sasampunipun pikantuk panyaruwé saking ramanipun, Rudy lajeng pindhah ndhèrèk Pusat Pelatihan Nasional kanggé Thomas Cup ing pungkasanipun taun 1965.[3]
Sasampunipun ndhèrèk Pusat Pelatihan Nasional kanggé Thomas Cup, kawasisanipun dados minggah.[3] Rudy dados salah satunggalipun anggota tim Thomas Cup ing taun 1967.[3] Satunggal taun salajengipun, ing yuswa 18 taun panjenenganipun pikantuk juwara satunggal ing Kajuwaran All England kanthi ngalahaken juru main Malaysia Tan Aik Huang kanthi skor 15-12 lan 15-9.[3] Salajengipun Rudy dados juwara ing taun-taun salajengipun ngantos taun 1974.[3]
Préstasi besut
- Juwara tunggal putra All England ngantos ping 8 (1968, 1969, 1970, 1971, 1972, 1973, 1974, lan 1976),
- Runner-Up All England 2 kali (1975, 1978),
- Juwara bersama Tim Indonésia dalam Thomas Cup ping 4 (1970, 1973, 1976 lan 1979),
- Juwara Dunia World Championship 1980,
- Juwara Dhènemarken Open ping 3 (1971, 1972, 1974),
- Juwara Canadian Open ping 2 (1969, 1971),
- Juwara US Open 1969,
- Juwara Japan Open 1981,
- Ketua Babagan Pembinaan PB PBSI (1981-1985).
Bebingah besut
- Asian Heroes, TIME Magazine 2006,
- Ulah ragawan ingkang saé piyambak SIWO/PWI (1969 lan 1974),
- IBF Distinguished Service Award 1985,
- IBF Herbert Scheele Trophy 1986 – panampi kapisan,
- Honorary Diploma 1987 saking the International Committee’s “Fair Play” Award,
- Tandha Kaurmatan Républik Indonésia Bintang Jasa Utama.
Cathetan suku besut
- ↑ a b {{cite web|url=http://www.time.com/time/asia/2006/heroes/ae_hartono.html |title=60 Years of Asian Heroes: Rudy Hartono |publisher=TIME Magazine |accessdate=2008-03-26}}
- ↑ a b Rudy Hartono Archived 2016-03-04 at the Wayback Machine. dipunundhuh tanggal 6 Oktober 2011)
- ↑ a b c d e f g h Rudy Hartono, Sang Juara Bulutangkis Sejati Kebanggaan Indonesia Archived 2012-01-19 at the Wayback Machine. dipunundhuh tanggal 6 Oktober 2011)
Pranala njawi besut
Rudy Hartono, Sang Juara Bulutangkis Sejati Kebanggaan Indonesia Archived 2012-01-19 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |