Cithakan:Limang Samodra Samodra Antarktika utawa Samodra Kidul iku massa banyu sagara sing ngubengi bawana Antartika. Tlatah iki minangka samodra gedhé dhéwé kapapat lan wis disepakati sinebut samodra déning Organisasi Hidrografik Internasional (IHO) ing taun 2000. Sadurungé iku, pandhangan umum mratélakaké yèn Samodra Atlantik, Samodra Hindia lan Samodra Pasifik langsung wewatesan karo pasisir Antartika.

Koordinat géografi besut

 
Samodra Kidul

65 00 LS, 0 00 BT (kanthi nominal), nanging Samodra Kidul duwé béda karakter unik minangka massa banyu sagara sing gedhé sing ngubengi bawana Antartika; samodra iki dumunung antara 60° lintang kidul nganti pasisir bawana Antartika, lan nyakup 360° bujur bumi.

Dhéfinisi kanggo Samodra Kidul isih durung padha banget ing saindhenging donya. Australia ménéhi dhéfinisi Samodra Kidul mèmper karo dhéfinisi IHO nanging nglebokaké uga kabèh massa banyu sagara sing dumunung antarané pasisir kidul Australia, Tasmania lan Niu Selan minangka Samodra Kidul, dudu Samodra Hindia.

Data besut

Iklim besut

Suhu banyu sagara manéka warna antara 10 lan -2°C. Badai siklon lumaku saka arah wétan ngubengi bawana lan kerep banget wujud badai gedhé amarga anané béda suhu sing nyata antara dhataran ès karo sagara. Wewengkon samodra saka lintang 40 LS nganti Lingkar Antartika minangka wewengkon kanthi kacepatan angin rata-rata paling kuwat dibandingaké panggonan liyané ing donya. Ing mangsa adhem, samodra njendhel (membeku) nganti 65° LS ing sektor Pasifik lan nganti 55° LS ing sektor Atlantik, suhu lumahing sagara mudhun nganti sangisoré 0 °C. Ing sawatara titik ing pasisir bawana, isih tinemu tlatah bébas ès, bab iki disebabaké anané angin sing kuwat sing terus menerus milir saka bawana menyang samodra.

Dhataran besut

Samodra Kidul, jeroné rata-rata 4.000 - 5.000 m, mung sethithik panggonan kang cethèk. Dhangkalan bawana Antartika lumrahé ciut lan luwih jero (400 – 800 m) katimbang rata-rata jeroné dhangkalan ing bawana liyané (133 m).

Selimut ès Antartika tansaya amba saka minimum 2,6 yuta km² ing sasi Maret nganti dadi 18,8 yuta km² ing sasi September, tegesé ambané nambah mèh tikel pitu. Arus Sirkumpolar Antartika (dawané 21.000 km) mili tumuju menyang arah wétan; minangka arus samodra gedhé dhéwé ing donya, ngilèkaké 130 yuta m³ banyu saben dhetik, tegesé kaping satusé kabèh ilèn banyu kali sing ana ing donya.

Uga delengen besut

Pranala njaba besut

 
Wiktionary
Pirsani informasi ngenani Samudra Kidul ing KamusWiki.