Sepatu yaiku lapik utawa barang kang minangka buntél sikil.[1] Lumrahé digawé saka kulit, karèt, kain lspé.[1] Panggonan telapak lan tungkaké kandel lan atos.[1]. Saiki sepatu ora mung kanggo alas sikil, nanging wis dadi pérangan wigati kanggo penampilané wong.[2]

Sepatune wong lanang
Sepatune wong wadon (stiletto)
bakul sembarang jinis sepatu ing pasar mesir

Jinis besut

Jénis séépatu kanggo wong wadon ana pirang-pirang, antarané:[2]

  1. Open Toe Shoes:pucuké bukaan, pérangan buri tutupan. Pasisirs kanggo acara formal utawa informal, untungé nganggo spéatu modèl iki yaiku sikil ora cépét kringétan.
  2. Pump Shoes:Pump shoes diartiké sepatu labu. Diundang kaya ngono mérga pucuk sepatu mirib buah waluh, dhapuré séténgah bundér, sépatu modhél iki cocog dikombinasikaké karo rok mini.
  3. Sling Back Shoes:ciri-ciriné sepatu modhèl iki yaiku ana tali kang nggubét ing pergelangan sikil. Kérép karan sepatu sandhal. Cocok digunakaké nalika nganggo rok modhèl A-line supaya ngetokaké kesan feminin.
  4. Wedge Heel:Wedge Heel iki jénis sepatu kang duwé ukuran hak kang méh padha ing pérangan ngarep lan mburiné.
  5. Kitten Heel:Sepatu kang duwé hak cendhèk. Luwih cocog digunakaké ing acara kasual.
  6. Stiletto:Pérangan ngarep lancip lan duwé hak kang lancip uga dhuwur. Cocok dikombinasikaké karo gaun. Sepatu iki bisa ngetokaké kesan feminin lan seksi.
  7. Selop: sepatu kang uga karan slipper iki duwé ciri-ciri pérangan ngarep tutupan kaya sepatu nanging pérangan mburi bukaan, mirib sandal.
  8. Boots: Sepatu kang ketutup sekabehané.
  9. Sports:Sepatu kets. Sepatu kang racaké digunakaké nalika ulah raga.

Jinis sepatu kanggo wong lanang yaiku:[3]

  1. Dress Shoe: sepatu jinis iki dienggo ing acara-acara formal. Mbiyén, sepatu iki wernané mung ireng. Nanging saiki wis ana wèrna coklat lan putih.
  2. Casual Shoes: digunakaké ing acara-acara santai lan semi formal. Sing kalebu sepatu jinis iki yaiku sneakers, loafins,lan moccasins
  3. Athletic/Sport Shoes; sepatu kang dienggo ulah raga iki digawé lan dipaské karo jinis ulah ragané.

Cara Ngrumat Sepatu besut

Bab-bab kang kudu digatekaké nalika ngresiki sepatu.[4]

  1. Resiki regedan sadurungé disemir
  2. Rutin anggoné nyemir
  3. Cepet digaringaké nalika teles
  4. Sikil kuduné garing nalika arep nganggo
  5. Duwé sepatu punjul sepasang supaya bisa ganti lan supaya sepatu ora rikat rusak amarga dienggo terus.
  6. Resiki blethok kang nèmplèk ing sepatu nalika wis garing
  7. Aja ngumbah sepatu nganggo mesin
  8. Adohke saka sorot srengéngé langsung
  9. Gunakaké baking soda kanggo ngilangi ganda bacin
  10. Simpen kang apik

Cara ngrumat sepatu manut bahan sepatu.[5]

Sepatu kulit besut

  1. Resiki saka lebu lan regedan sawisé dienggo. Yèn prelu lap nganggo lap kang rada teles. Tepuk-tepuk banjur angin-anginake sepatu nganti garing.
  2. Aja lali mènèhi mointurizer sadurungé nyimpèn. Kuwi dilakokaké supaya sepatu ora garing.
  3. Simpen sepatu ing njero plastik kang ditaléni rapet. Lebokaké ing kothak kang wis diwénéhi silika gel.

Sepatu sintetis besut

  1. Resiki saka lebu lan regedan sawisé dienggo. Resiki nganggo sikat, yèn prèlu lap nganggo lap kang rada teles. Aja dikumbah nganggo detergen.
  2. Angin-anginake ing panggon kang adem nganti garing.
  3. Aja lali ménéhi silica gél ing jero kothak kang dienggo nyimpen.

Sepatu bahan kets utawa kanvas besut

  1. Kumbah nganggo deterjen lan banyu. Bilas nganti bener-bener resik.
  2. Garingaké ing panggon kang panas.
  3. Semprot nganggo antisèptik sawisé garing. Simpen ing kothak kang wis diwènèhi silica gel.

Pranala njaba besut

Cathetan suku besut

  1. a b c artikata(kaunduh tanggal 7 April 2011)
  2. a b [1][pranala mati permanèn](kaunduh tanggal 7 April 2011)]
  3. fashionpria[pranala mati permanèn](kaunduh tanggal 7 April 2011)]
  4. fashionpria Archived 2011-04-13 at the Wayback Machine.(kaunduh tanggal 7 April 2011)]
  5. [2][pranala mati permanèn](kaunduh tanggal 7 April 2011)