Sheikh Muszaphar Shukor

Sheikh Muszaphar Shukor Al Masrie bin Sheikh Mustapha (miyos 27 Juli 1972) inggih punika ahli kasehatan saking Malaysia lan tiyang Malaysia ingkang kawiwitan ingkang dhateng antariksa, dipunwara-wara déning Mahamantri Abdullah Badawi nalika tanggal 25 September 2007.[1] Panjenenganipun kaliyan Yuri Malenchenko (Ruslan) lan Peggy Whitson saking Amérikah Sarékat, sampun tindak dhateng antariksa ing tanggal 10 Oktober 2007 kanthi montor mabur Soyuz TMA-11 ingkang dipunluncuraken dhateng Stasiun Njawi Angkasa Internasional (ISS) wonten ing satunggalipun program kerja sesarengan antawisipun Malaysia kaliyan Ruslan lan badhé kondur dhateng bumi kaliyan montor mabur Fyodor Yurchikhin lan Oleg Kotov.[1]

Sheikh Muszaphar Shukor
Sheikh Muszaphar Shukor
Angkasawan ANGKASA
KabangsanMalaysia
StatusAktif
Pedamelan sanèsDokter
PamilihanProgram Angkasawan 2006
MisiBoten wonten

Biografi besut

Panjenenganipun miyos ing Kutha Kuala Lumpur, Sheikh Muszaphar lulus saking sekolah inggil ing MARA ing Muar, salajengipun sekolah malih ing Kolej Pengobatan Kasturba, Manipal.[2] Panjenenganipun dados dhokter ortopedi ing Universitas Kebangsaan Malaysia, lan saderengipun punika ing Griya Sakit Seremban (1998), Griya Sakit Ageng Kuala Lumpur (1999), lan Griya Sakit Selayang (2000-2001).[2]

Pamilihan astronot Malaysia besut

Pangiriman astronot saking Malaysia dhateng antariksa kalebet satunggalipun pakét panyadean 18 montor mabur tempur Sukhoi kagunganipun Ruslan déning Malaysia ing taun 2003.[3] Malaysia ngawontenaken pamilihan astronot saking 11.000 calon ingkang ndhaftar.[4] Calon ingkang kapilih nglaksanakaken gladhèn ingkang pungkasan ing Kosmodrom Baikonur, Kazakhstan.[2] Muszaphar lan tigang calon sanèsipun ingkang kapilih ing purwanipun taun 2006.[2] Sasampunipun ndhèrèk gladhèn ing Star City, Ruslan, Sheikh Muszaphar kapilih minangka calon utami astronot ingkang kapisan saking Malaysia, lan Faiz Khaleed dipundadosaken calon cadhangan.[2]

Cathetan suku besut

  1. a b NASA Holds Briefing With First Female Station Commander and Crew Archived 2018-10-06 at the Wayback Machine. dipunundhuh tanggal 21 Agustus 2011)
  2. a b c d e [1] dipunundhuh tanggal 21 Agustus 2011)
  3. First Malaysian in space to observe Ramadan dipunundhuh tanggal 21 Agustus 2011)
  4. Malaysian astronaut enters space dipunundhuh tanggal 21 Agustus 2011)

Pranala njawi besut