Sinusitis minangka lelara peradhangan ing dhaèrah sinus. Sinus minangka rongga kothong sing ana ing balung pipi (maxillary), ing bagean ngisor bathuk (frontal), bagean mburi rongga irung (sphenoid) sarta antaraning irung lan matang (ethnoid).[1] Nalika sinus bengkak, cuwèran ora bisa lumebu lan metu ing rongga kasebut sakèngga kadadean kabuntetan lan abuh.[2]

Sinusitis
Classification and external resources
Lelara sinusitis
ICD-10ICD-10 Chapter J|J01, ICD-10 Chapter J|J32
ICD-9461, 473
DiseasesDB12136
MedlinePlus000647
eMedicinearticle/232670
MeSHD012852

Jalaran besut

Bedané karo pilek biasa ya kuwi pilek minangka kahanan irung kabuntetan  lendhir lan amung kadadean 7-10 dina. Kanéka déné sinusitis kadadean ing wektu kang luwih suwé lan pratandha sing ditandhang luwih abot.[3]

Ana pirang-pirang perkara kang bisa njalari kadadean lelara iki ya kuwi:

  • Infèksi sinusitis saka virus mbebayani, baktèri lan jamur.
  • Wujud anatomi pawongan mawa bolongan sinusé luwih cilik sakèngga agawé lendhir angèl kawetu.
  • Ananing alergèn, keluk, polusi, serbuk sari lan bledug kang lumebu bolongan irung.

Jinis besut

Lelara iki dipara miturut suwéné ya kuwi:

  1. Sinusitis akut. Jinis iki suwéné udakara 2-4 minggu.
  2. Sinusitis subakut. Jinis iki bisa kalangsung 4-12 minggu.
  3. Sinusitis kronis. Jinis infeksi iki bisa luwih saka 12 minggu lan ing kahanan tartamtu bisa pirang-pirang sasi lan mataun-taun.
  4. Sinusitis kumatan. jinis iki minangka jinis infèksi sinus ing kadadean pirang-pirang ing setaun.[4]

Pratandha besut

Ana pirang-pirang patandha nalika kena lelara iki ya kuwi:

Pratandha utama besut

  • Rasa nyeri ing sinus (rongga rai)
  • Buntet ing bolongan irung
  • Irung ngetokaké lendhir kenthel werna kuning kaijonan[5]
  • Ganggunan pakaryan irung minangka pangambu

Pratandha tambahan besut

  • Mumet
  • Watuk
  • Kekeselen
  • Nyeri ing kuping

Prathandha nalika wis komplikasi besut

  • Bengkak ing mripat
  • Pasawangan burem
  • Rasa kaku ing buri guli
  • Pamudhunan kasadharan[6]
  • Radhang gurung

Dhiagnosis besut

 
Panampang panandhang sinusitis

Dhokter racaké mrèksa panandhang saperlu nindakaké dhiagnosis kaya ta:

Èndhoskopi irung besut

Sawijining tabung tipis lan flèksibel kanthi cahya serat optik dilebokaké lewat bolongan irung kanggo ndelok struktur lan kahanan ing irung.

Studi pancitraan besut

Panggunanan MRI utawa CT Scan bisa ndelengi struktur sinus lan aréa irung kanthi setiti.

Kultur irung lan sinus besut

Tès laboratorium umumé ora dibutuhaké kanggo ndhiagnosis sinusitis akut ananging nalika kahanan ora sansaya apik, kultur jaringan ngrewangi mangertèni jalarané kaya ta baktèri.

Tès alergi besut

Menawa dicubriyani tuwuhing sinusitis akut amarga alèrgim dhokter bisa mènèhi pramayoga tès kulit alergi.[7]

Nangani besut

Sinusitis minangka lelara kang bisa kumat kapan waé mliginé nalika ana faktor pamicuné. Pramila manawa ngasakaké pratandha, kagiyatan kang bisa dilakokaké ya kuwi:

  • Migunakaké obat semprot irung (saliné nasal spray)
  • Migunakaké minyak èsènsial kanthi cara ditètèsaké ing banyu panas lan ambegan ing dhuwuré nganti irung krasa plong.
  • Pijet akuprèsur
  • Ngombé wedang saka godhogan jaè lan kunir.[8]

Nyegah besut

Kagiyatan kanggo nyegah lekara iki ya kuwi:

  • Njaga karesikan awak lan papan
  • Resiki omah saka bledug
  • Pigunakaké pelembab ruwangan[9]
  • Ngombé banyu putih kanthi cukup
  • Pasthèkaké leren kanthi cukup[10]
  • Ora ngrokok
  • Ngadohi pawongan kang nandhang pilek
  • Nglakoni imunisasi flu miturut jadwal.[11]

Kapustakan besut

  1. "Penyakit Sinusitis - Gejala, Penyebab, Pengobatan - Klikdokter.com". www.klikdokter.com. Dibukak ing 2020-07-14.
  2. detikHealth, Tim. "Gejala, Pencegahan, dan Cara Pengobatan Sinusitis". detikHealth (ing basa Indonesia). Dibukak ing 2020-07-14.
  3. "Apa Itu Sinusitis? Apakah Sama dengan Pilek? #AkuBacaAkuTahu - Semua Halaman - Bobo". bobo.grid.id (ing basa Indonesia). Dibukak ing 2020-07-14.
  4. "Sinusitis, Kenali Berbagai Tipe, Gejala, dan Pencegahannya". Good Doctor (ing basa Inggris Amérika Sarékat). 2020-04-30. Dibukak ing 2020-07-14.
  5. "Gejala Awal Sinusitis yang Sering Disalahartikan". Halodoc. 2019-07-20. Dibukak ing 2020-07-14.
  6. "Tak Cuma Hidung Tersumbat, Ini Berbagai Gejala Penyakit Sinusitis". SehatQ (ing basa Indonesia). Diarsip saka sing asli ing 2020-07-14. Dibukak ing 2020-07-14.
  7. "Sinusitis". Halodoc. 2019-11-26. Dibukak ing 2020-07-14.
  8. Times, I. D. N.; Zakiah, Nena. "7 Cara Alami Mengatasi Sinusitis, Enyahkan Rasa Tidak Nyaman di Hidung". IDN Times (ing basa Indonesia). Dibukak ing 2020-07-14.
  9. Kusumawati, Anisyah (2019-03-19). "Sinus pada bayi - Ini berbagai tanda yang harus diwaspadai dan penanganannya". id.theasianparent.com (ing basa Indonesia). Dibukak ing 2020-07-14.
  10. Natasha, Bernandine (2020-02-14). "5 Cara Pengobatan Sinusitis Mandiri di Rumah". POPMAMA.com (ing basa Indonesia). Dibukak ing 2020-07-14.
  11. "Sinusitis". Alodokter. 2014-07-10. Dibukak ing 2020-07-14.