Spektrum

Spektrum ya iku kaanan lan kaendhahan kang ora ana batesé, bisa owah kanthi kontinum. tembung iki asalé saka basa Inggris kuna spectre kang tegesé setan, nanging tegesé kang modern, jenengé digunakaké saka ngèlmu alam.

Spektrum cahya saka kluwung

Tembung spektrum dinggo kaping pisanan ning ngèlmu alam ya iku ning babagan optik kanggo njlèntrèhaké kluwung warna ning spektrum optik nalika sinar mau dispersi deneng prisma, lan sawisé iku diterapaké dadi analogi ning babagan liyané. Saiki istilah iku dinggo uga kanggo nggambaraké rentang kaanan utawa kelakuwan kang jembar, dikelompokaké bebarengan lan isinauni ning ngisor topik supaya bisa gampang anggoné ngrembug, misalé 'spektrum opini pulitik', utawa spektrum kerja saka obat, lan liyané. Nalika iki, rega-rega ning sakjeroné spektrum ora perlu digambarakĝ nganti setiti dadi bilangan kaya ning babagan optik.

Ning panggunaan spektrum kang paling modern, ana 'tema pemersatu' kaya ekstrem-ekstrem ning pucuké.

Teges modern sakjeroning ngèlmu fisika

Nalika abad 17 tembung spektrum kawanuhaké ing babagan optika, kanggo njlèntrèhaké babagan rentang warna kang bisa didelok nalika cahya putih terdispersi déning prisma. mrujuk ning plot intensitas cahya dadi fungsi saka frekuensi utawa panjang gelombang.

Istilah spektrum gage diterapaké kanggo gelombang-gelombang liya, kaya ta gelombang suara, lan saiki diterapaké kanggo kabèh sinyal kang bisa diuraikaké mring sakjeroné komponèn-komponèn frekuensi. spektrum racaké ana plot 2 dhimènsi saka sakumpulan sinyal, nggambaraké komponèn-komponenné karo ukuran liyané. Kadang-kadang, tembung spektrum uga kumpulan sinyal, kaya "spektrum cahya tampak", iku mau gelombang elektromagnetik kang bisa dikesani déning mata manungsa. Sinar kang nglewati prisma misah warna-warnané sesuai karo dawané glombang. Warna wungu duwé gelombang paling cendhek lan warna abang iku gelombang paling dawa. Urutan warna saka dawané gelombang mring gelombang kang luwih cendhek ya iku abang, jingga, kuning, ijo, biru, wungu. nalika gelombang kang dawa nglewati warna abang, bakal ditemoni inframerah, gelombang mikro lan radio. Nalika dhawane gelombng tambah cindhek nglewati warna wungu, bakal ditemoni ultraungu, sinar-x, lan sinar gamma.

Uga delengen

• Spektrum elektromagnetik