Surat Al Ikhlash

al-Ikhlas
الإخلاص

Informasi
Makna Murnèkaké Kaésaan Allah
Nami sanès Qul Huwallah, Nisbatur Rabbi[1], at-Tafrid[2], at-Tajrid[2], al-Wewengkon[2], al-Ma'arifah[2], al-Jamal[2], Qasyqasy[2], al-Mudzakkirah[2], as-Shamad[2], al-Amin[2]
Klasifikasi Makkiyah
Surat ka 112
Juz Juz 30
Statistik
Gunggung ruku' 1 ruku'
Gunggung ayat 4 ayat

Surah Al-Ikhlas (Arab:الإخلاص, "Murnèkaké Kaésaan Allah") iku surah angka 112 sajeroning al-Qur'an. Surah iki kagolong surah Makkiyah, dumadi saka 4 ayat lan pokok isiné negasaké kaésaan Allah sinambi nulak wangun apa waé kang madhakaké. Kalimat inti saka surah iki, "Allahu ahad, Allahus shamad" (Allah Maha Esa, Allah panggonan gumantung), kerep muncul sajeroning dhuwit dinar emas ing jaman Kekhalifahan biyèn. Saèngga, kadhangkala kalimat iki dianggep slogan nagara Khilafah Islamiyah, bebarengan karo loro kalimat Syahadat.

Kalligrafi Surah al-Ikhlas naskah Maghribi tulisan abad kaping-18

Kautamane Maca Surat Al Ikhlas besut

Saka Abu Sa’id al-Khudri radhiyallahu ‘anhu, panjenengané ngendika: Rasulullah shallallahu ‘alaihi wa sallam dhawuh,

وَالَّذِي نَفْسِي بِيَدِهِ إِنَّها لَتَعْدِلُ ثُلُثَ الْقُرْآنِ

“Demi (Allah) kang jiwaku ana ing astan-E, sejatine surah al-Ikhlas sebandhing (karo) sepertelon al-Qur’an”.

Hadis iki nuduhake dhuwur drajate surat Al Ikhlash lan gedhé kautamane kanggo wong kang maca, amarga surat iki ngandhut asmane Allah kang Maha Endah lan sipat-sipate kang sampurna, saéngga wong kang maca lan mahami surat iki kanthi temen iku nuduhake ngagungake lan mulyakake marang Allah.[3]

Tèks besut

قُلْ هُوَ اللَّهُ أَحَدٌ اللَّهُ الصَّمَدُ لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَدٌ

Alih aksara besut

Jarwanipun besut

  1. Dhawuha: "Allah iku mung siji."
  2. "Allah iku kang disuwuni karang kabutuhan."
  3. "Ora peputra lan ora pinutrakaké."
  4. "Lan ora ana sawiji kang madhani." [4]

Réferènsi besut

  1. Thabathaba'i, Allamah MH. 1987. Mengungkap Rahasia Al-Qur'an. Bandung: Mizan
  2. a b c d e f g h i "Nama-nama lain dari Surah Al-Ikhlas", Hidayah, Fèbruari 2009
  3. Keutamaan Membaca Surat Al Ikhlas Archived 2012-07-11 at the Wayback Machine. dipunwaos 23 Juli 2012
  4. Kajarwakaken kanthi midhangetaken Tapsir Al-Quran Suci Basa Jawi anggitanipun Profesor K.H.R Muhammad Adnan.

Pranala njaba besut


Surat Sadurungė:
Surat Al Lahab
Al-Qur'an Surat Sabanjurė:
Surat Al Falaq
Surat 112