Theodoor Gautier Thomas Pigeaud
Theodoor Gautier Thomas Pigeaud (miyos ing Leipzig, 20 Fèbruari 1899 - séda Gouda, 6 Maret 1988)[1], inggih punika salah satunggaling sastrawan Jawa saking nagari Walanda. Panjenenganipun misuwur amargi Kamus Jawa-Walanda kaliyan amargi pasinaonanipun babagan Kakawin Nagarakretagama, sarta katalog-katalog naskah manuskrip ing pabukon Walanda, Dhènemarken, kaliyan Walandi.
Asal-usul lan nalika taksih alit besut
Theo Pigeaud punika keturunan tiyang Prancis. Para leluhuripun inggih punika kaum Hugenot ingkang mlajeng dhateng Walanda. Theo Pigeaud putra ragil saking Dr JJ Pigeaud en Adolphine Bodde ingkang ngasta dados dhokter ing Mojokerto saking 1887 ngantos 1898.
Nalika taksih kuliyah, Pigeaud sinau basa Arab, Sansekerta, Islam, ugi èlmu-èlmu bumi Kapuloan Hindia Wétan.[2] Pigeaud nglajengaken pasinaonanipun kanthi sinau basa Melayu. Jawa, kaliyan Pèrsi.[2] Panjenenganipun ngrampungaken S-3 kanthi disertasi teks kitab Tantu Panggelaran.[2] Pigeaud nglajengaken tindak dhateng Pulo Jawa. Panjenenganipun dipunutus dados Penasihat Umum Pribumi ing Batavia. Pigeaud séda 6 Maret 1988.[2]
Lampahanipun menyang Jawa besut
Sasampunipun pikantuk promosi, Pigeaud bidhal menyang Pulo Jawa. sanadyan samoun mesthi bilih bakal dados satunggaling pegawé basa, panjenenganipun dipuntugasaken ing Adviseur voor Inlandse Zaken ("Penasehat Urusan Pribumi") ing Batavia. Ingkang dados ajudanipun inggih punika Hoesein Djajadiningrat lan Bertram Johannes Otto Schrieke ingkang sampun dipunangkat minangka mahaguru ing Fakultas Hukum.
Nalika tanggal 29 desember 1925, panjenenganipun saged miwiti padamelanipun ingkang sajatos, inggih punika nambah utawi ngirangi kamus Jawa-Walanda Gericke-Roorda. Kanggé pedamelan punika, wiwit 1926 Pigeaud kedah pindhah menyang Surakarta. Wiwitanipun, Pigeaud manggèn ing salah satunggaling kulwarga Jawa, nanging pungkasanipun manggèn sesarengan kaliyan Koperberg, sekretaris Java-Instituut.
Pungkasanipun kamus Jawa-belanda Pigeaud terbit ing taun 1938. Kamus punika saged dipunanggep minangka tambahan wigati kamus Gericka-Rooda. Kamus Jawa-Walanda Pigeaus terbit sedasa taun salajengipun sasampunipun Perang Dunia II.
Pranala njawi besut
Cathetan suku besut
- ↑ Theodoor Gautier Thomas Pigeaud[pranala mati permanèn](diuundhuh 23 Fèbruari 2013)
- ↑ a b c d Th Pigeaud wafat(dipunundhuh 22 Fèbruari 2013)