Otak tengah (mesencephalon) utawa (midbrain) ya iku pérangan paling cilik saka utek kang duweni fungsi minangka stasiun relai kanggo informasi pangrungon (inferior colliculi) lan pandelengan (superior colliculi).[1] Utek tengah ngontrol pirang-pirang fungsi wigati kaya ta sistem visual lan pangrungon sarta obahan mripat.[2] Pirang-pirang péranganing utek tengah kang sinebut nukleus abang (red nucleus) lan substantia nigra kang duweni fungsi ngontrol obahan badan.[2] Substantia nigra kang warnane peteng duweni isi neuron akèh kang mroduksi dopamine.[1] Lumrahé, sudane neuron ing substantia nigra nyebabake lelakoné penyakit parkinson.[1] Utek tengah uga pérangan wiwitan saka pang utek.[1] Utek mau kasusun saka tectum lan tegmentum.[1] Sakloron pérangan mau uga duweni fungsi ing pandelengan, pangrungon, obahan mripat, lan obahan awak liyané.[1]

Pérangan Utek
1. Otak besar (cerebrum)
2. Talamus
3. Hipotalamus
4. Otak tengah (Mesencephalon-Midbrain)
5. Pons
6. Otak kecil (Cerebellum)
7. Medula oblongata
8. Medula spinalis

Cathetan suku besut

 
Wiktionary
Pirsani informasi ngenani Utek tengah ing KamusWiki.
  1. a b c d e f Sangkanparan,Hartono.(2010). Dahsyatnya Otak Tengah. Jakarta Selatan. Visimedia.Hal 17-18.
  2. a b The Mid Brain, psychology.about.com. Diundhuh tanggal 10 Juni 2010.