Vodka
Vodka (Polish: wódka [ˈvutka], Russian: водка [ˈvotkə]) yaiku sawiji ombèn kasiling penyulingan mligi dumadi banyu lan ethanol, kala-kala digawé karo bekas-bekas regetan lan dat perasa. Ing cara tradhisionall, vodka iku digawé kanthi nyuling séréalia utawa kenthang kang uwis difermentasi, sanajan mangkono, sawenèh mèrek kang uwis modheren nganggo dat-dat liyané kaya ta buah-buah utawa gula.
Awit taun 1890an, bakuning vodkan ing nagara-nagara kaya Polen, Russia, Bélarusia, Ukrainia, Éstlan, Lètlan, Litowen lan Cekoslovakia iku 40% kamot alcohol volume / ABV (ékan ukuran kanggo ombèn kang ngamot alkohol). Utawa, manawa dikonversi ing ékan baku ing amérika, 80%. Presentase iku mau salah dikatitaké marang Dmitri Mendeleev.[1][2] Uni Éropa uwis ngadegaké baku, minimal ngamot 37.5% ABV kanggo kabéh ombèn "Vodka kang saka Éropa".[3][4] Product-produk kang kadhol minangka "vodka" ing Amérikah Sarékat kudu dhuwé watesing kamotan alkohol, yaiku ora punjul saka 40%.[5] Éwadéné anané aturan kang longgar iku mau, akèh-akèhé vodka kang didhol ngamot 40% ABV. Vodka lan ombèn kasil penyulingan kang digawé ing ngomah, ora saka pabrik, dirujuk minangka ombèn "moonshine", delok moonshine ing saben nagara.
Vodka lumrahé diombé kanthi cara neat (ora dicampur karo wédhang putih, ès, utawa bahan campuran liyané), sanajan asringé diladènaké kanthi adhem ing nagara-nagara kalebu laladan jenengé vodka belt (Bélarus, Éstlan, Finlan, Icelandia, Lètlan, Litowen, Nurwègen, Polen, Russia, Swèdhen, Ukraina). Vodka uga lumrahé dicampur ing cocktails lan ombèn campr, kaya ta vodka martini, Cosmopolitan, vodka tonic, Screwdriver, Greyhound, Black utawa White Russian, Moscow Mule, lan Bloody Mary.
Rujukan besut
- ↑ Evseev, Anton (21 November 2011).
- ↑ "Prominent Russians: Dmitry Mendeleev".
- ↑ Production of vodka at the Wayback Machine (archived 22 January 2008).
- ↑ "Regulation (EC) No 110/2008 of the European Parliament and of the Council of 15 January 2008 on the definition, description, presentation, labelling and the protection of geographical indications of spirit drinks and repealing Council Regulation (EEC) No 1576/89".
- ↑ "United States Code of Federal Regulations Title 27, Section 5.22(a)(1)".