Wehrmacht iku jeneng angkatan bersenjata Nazi-Jerman wiwit taun 1935 nganti 1945. Sakwéné Perang Donya II, Wehrmacht kapérang saka Heer (angkatan darat), Kriegsmarine (angkatan laut), Luftwaffe (angkatan udara) lan wadyabala Waffen-SS ("SS Bersenjata"), sarta dipuntambah unit-unit Sturmabteilung (SA).

Pasca Perang Donya II besut

Sawisé Nazi Jerman nyerah tanpa syarat nalika tanggal 7 Mèi 1945, Jerman dipunlarang duwé angkatan bersenjata. Kawilahé Jerman nalika mangsa Perang Dingin njalari kawanguné angkatan militèr ing Républik Federal Jerman (Jerman Kulon) lan Républik Dhémokratik Jerman (Jerman Wétan).

Militèr Jerman Kulon kawangun nalika tanggal 5 Mèi 1955 kanthi jeneng Bundeswehr sing tegesé Angkatan Pertahanan Federal. Sauntara militèr Jerman Wétan diwangun tanggal 1 Maret 1956 kanthi jeneng Tentara Rakyat Nasional (Nationale Volksarmee).

Asal lan panggunaan istilah besut

Sadurungé bangkité NSDAP, istilah Wehrmacht dipigunakaké sajeroning teges umum kanggo nyebutaké angkatan bersenjata saka bangsa ngendi waé, sing difungsikaké minangka "pertahanan tanah air".

Tuladhané, istilah Britische Wehrmacht ateges nunjuk marang angkatan bersenjata Inggris. Pasal 47 saka Undang-undang Dasar Weimar taun 1919 nélakaké "Reichspräsident nyekel kakuwasan paling dhuwur saka kabèh angkatan bersenjata krajan". Kanggo mènèhi ciri khas, istilah Reichswehr dipigunakaké kanggo nyebut angkatan bersenjata Jerman.

Nalika taun 1935, Reichswehr banjur diganti dadi Wehrmacht. Sawisé PD II lan ing sangisoré pendhudhukan sekuthu, Wehrmacht digantèkaké déning Bundeswehr. Mula, istilah Wehrmacht kanthi ora resmi dipigunakaké kanggo ngrujuk marang angkatan bersenjata Jerman suwéné mangsa Reich kaping 3 lan PD II.

Cathetan: Ora tepat yèn madhakaké Wehrmacht mung karo angkatan darat (Heer). Kendharaan Wehrmacht sing dipigunakaké déning Heer, Luftwaffe utawa angkatan laut duwé plat nomer mawa WH, WL, WM.