Zébroid
| Zébroid | |
|---|---|
| |
| Jaran zébra saka foto taun 1899, "Romulus: umur sataun", saka J. C. Ewart's The Penycuik Experiments. | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Mammalia |
| Ordho: | Perissodactyla |
| Famili: | Equidae |
| Génus: | Equus |
Zébroid (uga ingaran kuldi zébra, jaran zébra, lan bihar zébra) iku anakan saka blasteraning zébra lan ékuwid liyané; prasajané, kéwan iki minangka hibrid zébra. Ing manéka kadadéan, sing dadi bapakan ya iku zébra. Anakan saka bapakan kuldi lan babon zébra, ingaran nagil zébra, isih ana tekan sapréné nanging wis arang. Zébroid wis direbda kawit abad angka 19. Charles Darwin uga wis tau nrembug bab hibrid zébra ing sawenèh karyané.
Jinis besut
Zébroid iku jeneng génerik kanggo kabèh hibrid zébra. Manéka warna hibrid iku dijenengi sarana tembung koper saka jeneng bapakané lan jeneng baboné. Racaké ora dibédakaké spésies zébra apa marang hibrid iku. Asring nalika zébra disilangaké, anakané gedhéné nandhang kacébolan. Ngrebda jinis ékuwid sing béda famili, sing ora urip ing alas, lumrahé mbabar anakan sing gabug. Bapakan lan babon uga mrabawani fénotipe anakané.
Sing ingaran jaran zébra iku anakan saka bapakan zébra lan babon jaran. Anakan saka blasteran iki uga karan bihar zébra. Blasteran sawaliké sing arang ana kala-kala karan nagil zébra. Kaya ta akèh-akèhé hibrid, jaran zébra iku majer.[1]
Sing ingaran poni zébra iku anakan saka bapakan zébra lan babon poni. Babon poni ukuran sedhengan asring dipilih murih anakané poni zébra sing kena ditunggangi. Zébra uga diblasteraké karo poni sing cilik, kaya ta jinis Zètlan, kanthi anakan sing kaloka ingaran "jaran Zètlan".[2]
Blasteraning zébra lan kuldi kondhang mawa sawenèh aran, kaya ta: kuldi zébra, nagil zébra, lan bihar zébra. Kuldi iku krabatan cedhak karo zébra lan kekaroné kalebu ing kulawarga jaran. Hibrid-hibrid zébra lan kuldi iki arang banget tinemu.[3][4] Ing Afrika Kidul, anakané mung tinemu yèn zébra lan kuldi padha urip cedhakan. Kaya déné bihar, lumrahé awit gènètikané, hibrid iki ora bisa manak krana cacah kromosom sing ganjil ngganggu méiosis.
Gènètika besut
Kuldi lan ékuwid alasan nduwé cacah kromoson sing béda. Kuldi nduwé 62 kromosom; zébra nduwé antara 32 lan 46 (gumantung spésiesé). Kacèk ing cacah kromosom bisa njalari hibrid wadon gabug lan hibrid lanang majer. Fénomèna iki ingaran Kukum Haldane. Béda ing cacah kromoson iku jalaran jaran nduwé kromoson loro luwih dawa sing ngemu gèn sairib karo patang kromosom zébra.[5] Jaran nduwé 64 kromosom, nanging zébroid akèh-akèh mung nduwé 54 kromosom.
Pratélan tetembungan besut
| Tegesing tembung-tembung
Ana ing ngisor iki tembung-tembung Jawa sing dianggo ing artikel iki, dikanthèni jarwané ing basa Inggris.
|
Rujukan besut
- ↑ "Zorse Breed Description". Breeding References. EquinePost. Diarsip saka sing asli ing 2011-07-10.
- ↑ Carter, Helen (27 June 2001). "Crisis-hit farm welcomes its gift forse". The Guardian. London. Dibukak ing 20 April 2010.
it could be a zorse perhaps, a fony or maybe a shebra or a zetland. Whatever its name, the arrival of the strange beast has been hailed as a godsend
- ↑ Megersa, B; Biffa, D; Kumsa, B (13 February 2007). "A mysterious zebra-donkey hybrid (zedonk or zonkey) produced under natural mating: A case report from Borana, southern Ethiopia". Animal Production Research Advances. 2 (3). doi:10.4314/apra.v2i3.36328.
- ↑ Benirschke, K; Low, RJ; Brownhill, LE; Caday, LB; Devenecia-Fernandez, J (1 April 1964). "Chromosome Studies Of A Donkey-Grevy Zebra Hybrid". Chromosoma. 15: 1–13. doi:10.1007/BF00326911. PMID 14171168.
- ↑ K. Benirschke, et. alia (1964).