Mohammed Basri
Mohamed Basri kang kondhang kanthi jejuluk Fqih Basri (lair 1927 ing kutha Demnate, Maroko) ya iku aktivis pulitik lan oposisi rézim Maroko; dhèwèké tilar donya tanggal 14 Oktober 2003 ing Chefchaouen, Maroko.[1] lan dikubur ing Casablanca, Maroko.[1]
Mohamed Basri diundhang 'Fqih Basri' wiwit sinau ing sekolah ngèlmu Quran sadurungé lumebu Universitas Ben Youcef ing Marrakech ing taun 1944.[2] Candhaké dhèwèké mèlu bala pemberontakan marang penjajah Prancis ing Maroko.[2] Ing taun 1954, dhèwèké dicekel déning péhak kang duwé wewenang ing Prancis lan dikunjara ing Kenitra; ing taun candhaké, dhèwèké lumayu saka kunjara bebarengan karo 37 tahanan liyané.[2]
Sawisé mardika, sinambi dadi ketua Gerakan Tentara Pembebasan laladan lor, dhèwèké ngréwangi ngadegaké UNFP, parté sosialis kang kapecah saka parté Istiqlal ing taun 1959, lan dadi ketua koran padinan ing organisasi mau, Al-Tahrir.[2] Dhèwèké dicekel lan disiksa jalaran sengaja gabung ing obahan “Plot Juli 1960” nglawan monarki, lan lan ngalami babagan kang padha ing taun 1963.[2]