Muhadi

Muhadi yaiku salah siji pengurus karang taruna ing Desa Ngablak kang uga ketua DPD Ngablak. Dhèwèke ngerasa prihatin amarga ing zaman saiki akèh bocah sing pada kecanduan karo gawai. Mituruté Muhadi bocah zaman saiki olehé kecanduan gawai uwis kelèwat bates. Amarga bocah saiki luwih sibuk ning dunya maya tinimbang dunya nyata. Akeh bocah saiki lali carané sosialisasi lan dolanan bareng karo kekancané ning dunya nyata. kabèh padha kumpul ananging padha dolanan gawainé dhéwé-dhéwé. Gawai dhéwé iki nduweni fitur ibarat lading kang nduwèni mata loro : yaiku bisa dadi manfaat kanggo sing migunaaké utawa malah nekakaké masalah utawa mudarat. Muhadi pun nduwèni cara kanggo ngelawan masalah gawai iku nganggo buku. Awalé Muhadi nglakoni perubahan iku ngaggo cara gawé perpustakaan.Muhadi kerja sama karo bocah karang tarunané kanggo diskusi babagan nggaé perpustakaan lan kegiatan ing perpustakaan opo waé. Perpustakaan kui kang diwènèhi jeneng "Muda Bhakti". Ing kéné Muhadi yaiku wong sing nduwèni perpustakaan, Carané Muhadi supaya dhewèké bisa ngundhang para kaum muda ing kampungé, Muhadi ngadekaké lomba saben 17 Agustus, lomba puisi lan sapanunggalané.

Miturut Muhadi bocah zaman sibuk kanggo awaké dhéwé. Sibuk sosialisasi marang media sosial lan jarang ketemu utawa dolanan karo kancané ning donya nyata, ora èksis ning donya maya waé.

Muhadi uga nyinaui babagan angklung, geguritan, lan pranatcara. Geguritan yaiku puisi basa jawa, pranatacara yaiku latihan ngenani tata cara dadi pranata acara basa jawa. Lan saiki Muhadi ngajari bocah bocah ing désaé supaya padha ajar Angklung, Geguritan utawi pranatacara. Pisan-pisan Muhadi ngajak bocah karang taruna kanggo ngadakaké acara rembugan utawa ndeleng film bareng-bareng. Nganggo cara iku Muhadi bisa narik miniaté kaum muda supaya ngurangi panganggo gawai.

Sajarah

Muhadi yaiku guru SD, dheweké wis ngajar ing SD luwih saka 35 tahun. Muhadi ndhuwéni piagam guru teladan lan wis tau ping 2 dadi kepala sekolah. Amarga iku Muhadi bisa ndidik lan ngajar ning endi papan. Ing tahun 2000, amarga semangat lan niaté Muhadi bisa mbangun perpustakaan ing désané. Muhadi sing njabat dadi pengurus Karang Taruna Désa Ngablak ndadekaké perpustakaan iku salah sijiné usaha ing kegiatan karang tarunané. Muhadi manfaatno salah siji ruangan sing duwèni ukuran 4 mètér x 6 mètér ing gedhung Karang Taruna iku.

Saka awal, Muhadi lila yen 100 saka kolèksi bukuné dheweké digawé koleksi nomer 1 ing perpustakaan. Ora nyangka, ngadekaké perpustakaan iki disambut apik oleh masyarakat. akèh sing padha teka kanggo maca buku gratis ning perpustakaan. Antusiasé masyarakat dhuwur tenan ngenani babagan maca.

Ananging pepustakaan iki tau rusak ing tahun 2006 lan 2010 amarga èrupsi Gunung Merapi sing gemehi dampak ngrusakna bangunan perpustakaan iku. Amarga kahanan sing ora pasti iku mau, akhiré Muhadi manggoni ruangan sing gedhéné mung 2 mètér x 5 mètér ing gedung karang taruna iku. Kondisi iki lumaku kurang luwih 6 tahunan. Ananging, amarga rasa sayang lan tresnané masyarakat ngenani perpustakaan iki, lan dukungan saka kas désa akhiré Perpustakaan Muda Bhakti dibangun manèh lan saiki wis dadi perpustakaan mèwah sing nduwèni 2 lantai. Pengunjung perpustakaané uga nambah saya suwi, awalé saka 200 wong saiki dadi 400 an wong sing teka saben dinané. Upaya kanggo nguataké fungsi sing digunaaké dadi pusat kegiatan lan pengetahuan sing dilakoni iku, Muhadi angen-angen supaya budaya literasi ning dèsane iku lan supaya rasa kekeluargaan ning kaum muda Dèsa Ngablak bisa sosialisasi kanthi seterusé ora mung kumpul lan dolanan gawaine dhéwé-dhéwé.

Program

Ing sajroning prosès iki Muhadi ndhuwèni 2 progam yaiku :

1. Progam sing kapisan yaiku mbangun perpustakaan.
2. Program kaping pindho yaiku Salak Pustaka, kang miturut Muhadi yaiku para petani kudu bisa ngasilaké salak ning sepisan panèn, sak wit kudu ngasilaké 1-3 kilogram salak. lah mengko hasilé dijaluk tulung supaya diiklhasaké kanggo keperluan perpustakaan. Rega salak sak kilone ya bèda-bèda, wiwit saka paling sithik Rp 3000- Rp 4000, uga paling dhuwur yaiku Rp 6000- Rp 9000 per kiloné. Saka 770 petani salak, amung ana 93 petani sing gelem nandatangani persetujuan iku mau. Ora namung iku wae, bahkan ana salah siji petani sing nduweni semangat kanggo nyumbangaké panen salaké saka telung nganti papat wit salak.

Biografi

Muhardi umuré 65 tahun, bojoné jenengé Siti Fanah. Muhadi duwé anak 3 yaiku :

1. Aan Kurniawan umuré 41 tahun
2. Indah Susanti umuré 39 tahun
3. Arifianto umuré 36 tahun

Muhardi ndhuwèni jabatan :

1. Ketua Badan Perwakilan Desa (BPD), Ngablak-Penasihat Perpustakaan Muda Bhakti Ngablak

Penghargaan:

1. Juara I Anugerah Aksara Lomba Sarana Belajar Pelengkap paket A. Jenis Buklet Tingkat Nasional saka menteri Pendidikan dan Kebudayaan (1992)
2. Juara II Lomba Artikel Karangan Perpajakan untuk Guru Sekolah dasar Madrasah Ibtidaiyah saka Departemen Keuangan RI (1990)