Musiyum Pusaka Nias

(Kaelih saka Muséum Pusaka Nias)

Musiyum Pusaka Nias inggih punika salah satunggaling wadhah kanggé nglestantunaken aji-aji budaya Nias. Musiyum Pusaka Nias dipunkelola déning Persaudaraan Kapusin Provinsi Sibolga.[1].

Musiyum Pusaka Nias

Sajarah Musiyum Pusaka Nias besut

Wiwit taun 1972 salah sawijining Misionaris Gréja Katulik inggih punika "Pastor Johannes M. Hämmerle, OFMCap" sampun miwiti ngoleksi barang-barang budaya, seni saha sajarah masarakat Nias. Dangu-dangu cacahipun koleksi samsaya kathah, saha kanthi permati beliau nyathet sadaya nama saha pigunanipun barang piyambak-piyambak. Saking kathahipun koleksi ingkang dipungadhahi punika, Pastor Johannes ngusulaken dhumateng Dewan Ordonipun inggih punika Ordo Kapusin Provinsi Sibolga supados yasa "musiyum Nias".[2].

Peran Pastor Hadrian Hess, OFMCap besut

Nalika kapitel Ordo Kapusin Provinsi Sibolga nalika tanggal 28 dumugi 30 Juli 1990, Pastor Hadrian Hess, OFMCap. nyampekaken sawijining sesorah babagan wigatinipun kanggé nguri-uri saha nglestantunaken budaya saha yasa musiyum Nias. Lajeng wonten ing salah satunggaling rapat pleno Ordo Kapusin Provinsi Sibolga dipunsepakati sesarengan bilih badhé mbangung musiyum Nias kanthi lokasi wonten ing kutha Gunungsitoli, kabupatèn Nias, amargi wonten ing kutha Gunungsitoli mayoritas génerasi mudha Nias nglajengaken studinipun ing kutha punika. Wonten kapangurusan saha pambangunan musiyum punika, Ordo Kapusin Provinsi Sibolga mitadosaken dhumateng Pastor Johannes dumugi sapunika.[3]

Pambangunan Yayasan Pusaka Nias besut

Rantaman pambangunan "Musiyum Pusaka Nias" sampun kathah manggihi pepalang amargi prosedur saha prasyaratan pambangunan musiyum dèrèng dipunmangertosi sadéréngipun. Nalika wanci punikaYayasan Nusantara Jaya-Jakarta, maringi kathah pambiyantu saha seserepan babagan pambangunan musiyum saha maringi panyaruh kanggé yasa yayasan kanggé tanggel jawab babagan musiyum ingkang badhé kabangun, kanthi yasa komunikasi kaliyan Direktorat Permuséuman minangka instansi ingkang ngurus saha mbina musiyum-musiyum wonten ing Indonésia.[4]

Saking pitedahipun Yayasan Nusantara Jaya mau, nalika tanggal 19 April 1991, Pastor Johannes atas nama Dewan Ordo Kapusin Provinsi Sibolga sowan dhumateng Notaris kanggé yasa Yayasan Pusaka Nias minangka Badan Hukum Musiyum Pusaka Nias kanthi akta notaris nomer: 4 Taun 1991.[5]

Sabibaripun Yayasan Pusaka Nias jumeneng, lajeng yayasan ngawontenaken komunikasi kaliyan Direktorat Permuséuman. Lumantar Direktur Permuséuman pungkasanipun Yayasan Pusaka Nias pikantuk pitedah-pitedah ingkang jangkep. Lajeng lumantar SK Bupati Nias KDH Tk. I Nias, medal Izin Mendirikan Wangunan (IMB) Musiyum Pusaka Nias kanthi nomer: 646.1/626/SK/1992 ingkang kasungsun saking 4 (sekawan) paviliun saha 1 (satunggal) paviliun mligi kanggé papan koleksi watu-watu megalit.[6]

Saking kasil palaporan Yayasan Pusaka Nias dhumateng Direktorat Permuséuman saha permohonan pambangunan Musiyum Pusaka Nias dhumateng Kakanwil Depdikbud Prop. Sumatera Utara, nalika tanggal 16 September 1993 dipunmedalaken Izin Pendirian Musiyum Pusaka Nias déning Kakanwil Depdikbud Prop. Sumatera Utara kanthi nomer: 7009/I05/J/93.14.[5]

Cathetan suku besut

  1. Museum Pusaka Nias[pranala mati permanèn](dipunundhuh tanggal 1 November 2012)
  2. Ordo Kapusin Provinsi Sibolga(dipunundhuh tanggal 1 November 2012)
  3. [1]
  4. [2]
  5. a b [3][pranala mati permanèn]
  6. [4]