Musiyum Manyareja
Musiyum Manyareja utawa Musiyum Manungsa Purwa Sangiran (Klaster Manyareja) dumunung ing Desa Manyareja, Kecamatan Plupuh, Kabupaten Sragen, Provinsi Jawa Tengah. Musiyum Manyareja kalebet Musiyum Manungsa Purwa Sangiran ingkang kaperang dados saperangan gugusan. Musiyum iki paling cedhak karo gugusan Musiyum Bukuran, lan musiyum sing paling adoh saka gugusan musiyum Krikilan.[1]
| Musiyum Manyareja | |
|---|---|
| Jinis | Musiyum arkeologi |
| Papan | Desa Manyareja, Kecamatan Plupuh, Kabupaten Sragen, Provinsi Jawa Tengah |
| Dibuka | 5 November 2014 |
| Kang ngrumat | Musiyum Manungsa Purwa Sangiran |
Musiyum Manyareja dipunresmikaken tanggal 5 November 2014 dening Dirjen Kabudayan Prof. Dr. Kacung Marijan, MA.[2] Musiyum iki mujudake bukti apresiasi kang ditujokake marang para arkeolog, peneliti lan masyarakat lokal sing nyumbang panemuan penting kanggo musiyum Sangiran.[3]
Wiwit taun 1934, sawise tekane Von Koenigswald, akeh wong sing wiwit melu nglumpukake fosil. Iki menehi kesempatan masyarakat lokal kanggo bisa melu berperan nambah koleksi musiyum lan nggawe hubungan apik antarane peneliti lan warga lokal.[4] [5]
Koleksi musiyum
besutMusiyum Manyareja nduweni diorama situs penggalian arkeologi lan ana fosil insitu. Fosil kasebut minangka fragmen tulang rusuk lan panggul gajah bebarengan karo tengkorak banteng. Diorama iki nduweni tujuan supaya para pengunjung gadah gambaran babagan swasana nalika nggoleki jejak-jejak kuna.[1]
Kajawi iku, musiyum menika dipunlengkapi papan pajang ingkang nampilaken informasi kolaborasi antawisipun peneliti kaliyan warga Sangiran. Uga njlentrehake dinamika panguripane warga Sangiran sajrone evakuasi tilas purbakala.
Ing museum menika wonten perangan ingkang nampilaken pamasangan griya Jawi ingkang dipunsarengi kaliyan aksesoris ingkang dipunpanggihaken wonten ing interior musiyum. Bagian iki ngemot foto-foto kronologis penelitian kang ditindakake ing daerah Sangiran. Kanthi tampilan menika para pengunjung saged ngraosaken kawontenan griya-griyanipun warga Sangiran ingkang wonten ing penelitian menika.[6]
Musiyum Manyareja uga nyediakake monitor layar sentuh kang gunane kanggo nampilake sejarah panemu fosil Sangiran. Kajawi punika ugi wonten monitor ingkang nampilaken peta digital wilayah Sangiran, lan informasi temuan fosil ing saperangan lokasi.
Sakliyane iku, ing jero musiyum Manyareja uga wonten meja bak pasir sing isine kerangka kewan vertebrata, poster lini masa Puslit Arkenas bebarengan alat peraga lan dekorasi, uga panel studi arkeologi publik, panel studi geologi, display temuan lan tokoh peneliti.[1]
Ing museum iki pengunjung bisa nemokake piranti kanggo evakuasi Sangiran. Tuladhanipun inggih menika sekop, cangkul, spatula, kuas, ember, timbangan saha piranti peralatan liyane.[2]
Rujukan
besut- ↑ a b c Sangiran, BPSMP (2017-12-25). "Museum Manyarejo, Museum Untuk Mengenal Ekskavasi Arkeologi". BPSMP Sangiran (ing basa Inggris Amérika Sarékat). Dibukak ing 2023-09-30.[pranala mati permanèn]
- ↑ a b "Kabupaten Sragen". Kabupaten Sragen (ing basa Inggris). Dibukak ing 2023-09-30.
- ↑ digsa.id. "Pariwisata Provinsi Jawa Tengah | Destinasi Wisata | MUSEUM KLASTER MANYAREJO". visitjawatengah.jatengprov.go.id (ing basa Inggris). Dibukak ing 2023-09-30.
- ↑ SMP, Admin (2022-08-08). "Menelisik Situs Purbakala Sangiran, Warisan Budaya Dunia di Tanah Nusantara". Direktorat SMP (ing basa Indonesia). Dibukak ing 2023-09-30.
- ↑ Media, Kompas Cyber (2022-08-08). "Siswa, Yuk Mengenal 5 Klaster di Situs Manusia Purba Sangiran Halaman all". KOMPAS.com (ing basa Indonesia). Dibukak ing 2023-09-30.
- ↑ Sangiran, BPSMP (2019-08-07). "Museum Manusia Purba Sangiran Museum Situs Manyarejo; Kolaborasi". BPSMP Sangiran (ing basa Inggris Amérika Sarékat). Dibukak ing 2023-09-30.