Mustaka
Mustaka iku tegesé endas atawa sirah[1][2]. Ning artikel iki, mustaka ya iku paésan kang ana ning endas atawa dhuwur wangunan tajug atawa masjid[1]. Bentuk mustaka iki asalé topong atawa makuta raja ning pewayangan[1]. Ana uga kang dhapuré setiliran sing warna-warna godong-godongan. Ning Yogyakarta cara gawé mustaka kanggo wangunan tajug iku sing bahan séng, durung ana bukti ari bahan gawéé iku sing lempung, kaya déné ning Cirebon lan Bali. Cara gawé sing séng iku nganggo digunting-gunting nurut polaé. Toli diwangun nganggo cara dipatri, dikeling, lan séjéné nganti wujudé kaya makuta atawa topong wayang. Ana keding kang dicèt. Kanggo kraton Yogyakarta ampir kabéh mustaka tajug dicèt warna abang tuwa[1]. Paésan iki ditaro ning pucuk wangunan umah kang dhapuré tajug[1][2]. Maksud paésan iki kanggo tanda ari wangunan iku suci[2]. Ning jama sekien, paésan mustaka kegenti karo paésan kubah khas Pérsia atawa Indhi[1].
Rujukan besut
- ↑ a b c d e f Dakung, Sugiyarto, dkk (1982). Arsitektur Tradisional Daerah Istimewa Yogyakarta. Jakarta: Depdikbud. kc. 172–174.
- ↑ a b c Iswanto, Danoe (Juni 2008). "APLIKASI RAGAM HIAS JAWA TRADISIONAL PADA RUMAH TINGGAL BARU" (PDF). ENCLOSURE. Volume 7 No. 2: 94–96. Diarsip saka sing asli (PDF) ing 2019-10-24. Dibukak ing 2017-07-12.
{{cite journal}}:|volume=has extra text (pitulung)