Nangka génjah

Nangka Genjah utawa nangka hibrida iku sajinis uwit nangka sing duwé wektu prodhuksi sing rikat tinimbang nangka lumrah. Nangka biyasa iku wohé mangsan utawa mung bisa uwoh sapisan setaun. Ya amarga saka iku nangka hibrida dimekaraké. Sebab kajaba duwé wektu produksi luwih rikat uga bisa uwoh ing sadawané taun. Nangka génjah yèn ditandur saka wijiné ing umur 1-2 taun wis gelem uwoh. Ing umur setaun babalé wis katon pating grandhul ngèbaki pang. Kayadéné nangka lumrah pentil nangka genjah wernané uga ijo. Umure 2 wulan lumrahe woh wiwit mateng lan ketara saka bedane kulit semu kuning. Nangka génjah utawa nangka hibrida urip sepisanan ana ing Yogyakarta kira-kira taun 1982, digawa déning sawijining sadulur asal saka laladan Tapanuli, Sumatra Lor sing saiki manggon ana kutha gudheg. Wong iki aran H. Batara Daulay manggon ana Désa Condongcatur Kec. Dépok Kabupatén Sléman Yogyakarta.

Uga delengen

• Nangka

Rujukan

• Penjebar Semangat-25/2005 kaca 42