Naraguna:Nurhasanah18/Godhong Déwa

Gynura divaricata - Botanical Garden Hong Kong - IMG 9576

Godhong Déwa duwé jeneng latin ( Gynura divaricata ), wong China ngarani Samsit . Dhuwuré tanduran iki kurang luwih 30-40 cm, ya iku tanduran sing tegak, wit godhong cendhak sing duwé bentuk segi lima , karo bagéyan gagang duwé bentuk bunder lan duwé rambut ing njaba godhong. Godhong Déwa duwé dawané 20 cm, amba 10 cm, kanthi gagang godhong sing cendhak, bunder lonjong, tipis, godhong déwa lancip, tepi godhong warna ijo lan ungu. Godhong Déwa uga duwé kembang sing tuwuh ing pucuk gagang, kembang petal ijo sing bentuké cangkir, lan benang sari warnané kuning bentuk jarum. Tuwuh ing wilayah sing dhuwuré 200-800 mèter ing lumahing segara, Godhong Déwa tuwuh karo umbi utawa gagang.

Olahan

Werna-werna pupuk kang bisa digunakaké tanduran Godhong Déwa ya iku pupuk kandang kang asalé saking kotoran lembu, wedhus, kebo utawa pithik lan pupuk organik utawa kang alami kayata kompos. Godhong Déwa bisa dipanén sawisé gagang godhong kang amba warna ijo tua lan duwé bentuk kang sempurna. njupuk godhong karo péso kang wis diresiki, menawa panén umbi saged dilakokaké sawisé tanduran umur 6-8 wulan. ing umur kasebut umbi wis siap kangge semai kangge gawé akèh tanduran Godhong Déwa. Bagéyan sing digunakaké kanggo fasilitas ngolah ya iku godhong sing ngandhut senyawa flavonoid, saponin, lan Lenga Atsiri.

Olahan obat sing asalé saka Godhong Déwa, bisa karo godhong seger sing disedhiyakaké sacara langsung utawa ana ing bentuk ekstrak, ya iku godhong sing distérilisasi lan digaringaké. Sawise wis garing, godhong iku digiling dadi glepung utawa simplicia. Banjur glepung wis disaring supaya rata, alus, banjur siap dilebokaké ing kapsul.

Ora jarang yén diolah ora bener, Godhong Déwa bisa diserang déning hama. Salah siji hama sing kerep nyerang Godhong Déwa ya iku kutu putih. Upaya nyegah hama bisa nggunakakè pèstisida alam utawa pèstisida nabati. Kita bisa nggawé pèstisida sayur-sayuran dhéwé nggunakakè godhong mimba, oyot tuba, lan tembako. carané ditumbuk nganti alus, banjur direndhem ing banyu lan ditinggalaké sewengi. Dina sabanjure ramuan kasebut disaring, banjur dicampur ing banyu anget. Asil kasebut disemprotaké ésuk utawa soré nalika swasanané cerah, ora udan, sing bakal ngilangi khasiat nyegah hama. Aja nyemprotaké ing wayah awan, amarga srengéngé panas bisa ngilangi bahan aktif obat-obatan organik kasebut.

Mupangat

• Analgesik (ngobati rasa nyeri)
• Anti-natoni (anti-inflamasi) - Khasiat saka Godhong Déwa nglancaraké sirkulasi getih.
• Godhong Déwa digunakaké kanggo obat ngurangi tekanan getih dhuwur.
• Khasiat saka Godhong Déwa nambani lara memar.
• Godhong Déwa minangka obat ngurangi rasa nyeri.
• Khasiat Godhong Déwa minangka obat anti radang
• Godhong Déwa obat kanggo ngatasi pendarahan.
• Khasiat Godhong Déwa minangka obat nglancaraké kencing.
• Godhong Déwa ya iku obat nurunaké panas.
• Khasiat Godhong Déwa minangka obat diabétes.
• Godhong Déwa ya iku obat kang ngresiki racun ing awak.
• Antikoagulan kanggo nyairaké getih kang beku.

Ngobati Lara Jantung

Lara jantung ya iku salah siji pényakit kang gampang gawé wong mati. Penyakit kang disebabaké amarga mandeg aliran getih menyang jantung. Penyakit jantung bisa disebabaké amarga seneng ngrokok, alcohol, obesitas, kurang lirén, utawa kurang olahraga. Salah siji cara kang alami kanggé mudhunaké résiko penyakit jantung ya iku sering ngombé ramuan umbi Godhong Déwa kang wis dithuthuk lan dicampur karo banyu saben dina ing wayah sore.

Ngobati kutil

Kutil ya iku jeneng liyané papilloma, ya iku tumor jinak kang ana ing kulit kang disebabaké penebalan njaba kulit sacara kaluwihan. Cara alami kangge ngobati ya iku numpuk godhong saking tanduran Godhong Déwa banjur ditempelaké ing kulit nganggo bantuan plester.

Ngurangi tekanan getih dhuwur

1. Njupuk 7 Godhong Déwa kang amba lan siap panén.
2. Godhog karo 3 gelas banyu nganti rong cangkir sing isih ana.
3. Ombé ping 2 dina sawisé dhahar.
4. Luwih becik yén Godhong Déwa digawé lalapan.

Obat Lara Memar

1. Njupuk godhong lan umbi Godhong Déwa 20 gram.
2. Godhong jarak seger 10 lembar.
3. Campur kabeh telung bahan kasebut, sakwisé alus olesna ing wilayah sing lara.

Godhong Déwa bisa digunakaké kanggo penyakit kulit kaya bintik ireng ing rai . Cara migunakaké iku gampang banget, yaiku kanthi cara njupuk godhong sing duwé tlutur lan diolesaké ing bintik ireng. Ana isih akéh mupangat godhong déwa kasebut. Kayata ngobati diabetes, lan penyakit awak, ya iku kanthi cara ngombé banyu godhong sing wis digaringaké. Godhong Déwa uga bisa digunakaké minangka obat kanggo penyakit kutil. Cara sing dipigunakaké ya iku diirisi Godhong Déwa mau lan ditémpél ing kulit, iket nganggo kain utawa Hansaplas. mesthi kutil sampeyan bakal ilang.