Kedhung Plumpang

Kedhung Plumpang minangka jeglongan kali kang jembar lan jeru, Kedung Plumpang nduwéni kaéndahan alam kang isih prawan amarga éndah lan alami. Dumunung ing Dukuh Jabung Dèsa Tanjung, Kacamatan Pakis Aji, Kabupaten Jepara, nggawe Kedung ing daerah panggon iliné banyu kali, wonten ing pegunungan Sapta Rengga Gunung Muria, sing patut ditekani.

Lelampahan

Tumuju Kedung Plumpang, saka tengah kutha Jepara bisa dilewati nganggo mobil utawa motor. Nanging, kahanan dalan tumuju ing Dukuh Jabung, angel banget. Amarga kondisi dalane saka lemah abang. saksuwene ing dalan , ing sisih tengen lan kiwa ing dalan iku ana sesawangan endahe alam saka gunung Muria. Saka pusat kutha Jepara kurang luwih 20 Km. panggenan iki pas kanggo wong-wong sing seneng ngulandara, amarga sawisé teka ing omah-omah warga kang pungkasan, isih kudu ngliwati kali sasuwene 1 jam.

Kaèndahan

Kaendahan alam Kedung Plumpang Isa gawe mata ora kedep nalika banyu bisa digunakake kngge pangilon. Iku amarga banyu kang jernih mili ing kali Kedung Plumpang. watu-watu sing gedhe bisa digunakake kanggo njupuk gambar kanggo wong sing seneng selfie lan foto . Wit-witan ing alas uga isih prawan. Yen sampeyan beja , bisa weruh akeh kethèk sing dawa buntute . Banjur nalika mara ing mangsa udan bisa nikmati curug.

Wong plesir

Mangsa ketiga kaya saiki, paling penak yèn dolan ing panggon wisata banyu. apamanèh lokasi wisata banyu sing isih alami. Salah siji pilihanè yaiku dolan ing Kedung Plumpang. Kanggo sing ora isa nglangi nanging péngin dolanan banyu ing kedung plumpang luwih apik yèn mara ing Kedung Plumpang pas mangsa ketiga amarga banyu ora jeru. Kanggo wong-wong sing arep dolan mara ing Kedung Plumpang, supaya gawa pangan lan ngombé sing pas. Amarga panggenan Kedung Plumpang saka panggenané warga rodok adoh. apamaneh yen pengin nginep ing wayah wengi kanthi masang tenda, panganané kudu dipikir-pikir banget. Nanging aja lali yen sampah dijupuk maneh, aja nganti ditinggal lan ngregeti.