Neji Hyuuga
Neji Hyuuga inggih punika nama salah satunggaling tokoh fiktif wonten ing anime lan manga Naruto. Neji inggih punika salah satunggaling genin ingkang genius. Piyambakipun kalebet wonten ing anggota klan Hyuuga, lan taksih sadhérék kaliyan Hinata Hyuuga.[1]
Ikhtisar alur carita
besutUjian Chuunin
besutNalika Ujian tertulis dipunlaksanakaken, Neji migunakaken kamampuan Byakuganipun kanggé "nyonték ingkang terhormat" sami kaliyan paréntah saking pangawas ujian mau. Sabibaripun lulus amargi Naruto, piyambakipun ndhérék ujian ingkang angka kalih, inggih punika survival. Lee saking Tim Neji naté mbiyantu tim Naruto ingkang dipunserang déning ninja Oto.[2]
Sabibaripun mlebet babak panyisihan, Neji langsung adhep-adhepan kaliyan Hinata Hyuuga, sadérékipun saking kaln Hyuuga.Kanthi kejem, piyambakipun ngajar Hinata Hyuuga ngantos parah sanget. Naruto ingkang ningali kadadosan punika ngantos duka kaliyan Neji lan ngendika bakal ngajar Neji manawi kapanggih wonten ing paprangan wonten ing babak candhakipun. Nalika babak utama kalaksanan, pranyata Naruto kapanggih kaliyan Neji. Wiwitanipun Naruto kangélan ngadhepi jurus kaiten (muter chakra dados palindhung wonten ing saklilingipun) lan pukulan 64 titik kagunganipun. Naruto ingkang sampun kekirangan chakra nglepasaken chakra siluman wonten ing bdanaipun saéngga saged ndésak Neji. Naruto lajeng ngasoraken Neji kanthi ngapusi manawi piyambakipun semaput lan nyerang Neji saking ngandhap lemah. Neji pungkasan sadhar bilih tiyang gagal ugi saged ngasoraken tiyang ingkang jenius manawi gadhah niyat lan usaha ingkang tumemen, boten purun nyerah.[3]
Ngoyak Sasuke
besutNeji kagabung kaliyan Naruto saperlu ngoyak Sasuke ingkang dipunbekta kaliyan ninja Oto saperlu pinanggih kaliyan Orochimmaru. Wonten ing sadengahing lampahan, piyambakipun nglawan salah satunggaling ninja ingkang jejuluk Kidomaru. Ingkang migunakaken jaring saking "air liur" ingkang dados atos minangka senjatanipun. Piyambakipun ugi saged njeluk atusan laba-laba ingkang ageng punapa alit. Sabibaripun paprangan ingkang meh mendhet nyawanipun Neji amargi padharanipun katembus panah, pungkasanipun saged dipunsoraken lan Neji kélangan kesadharan.[4]
Naruto Shippuden
besutPanylametan Gaara
besut2 taun sabibaripun Naruto tindakan, Neji saged nglewati ujian Chuunin lan sapunika piyambakipun wonten ing tingakatan Jounin. Nalika wonten pawartos bilih Gaara dipunculik dumugi ing Konoha, tim Gai tipundhawuhi dados back-up tim Kakashi. Tim punika kacegat déning Kisame Hoshigaki, salah satunggaling anggota Akatsuki ingkang naté nglawa Gai. Lajeng kadadosan pran tandhing ingkang nggegirisi. Neji ingkang mlebet perangkap kunjara air saged lolos lan mbiyantu Gai. Pungkasanipun paprangan saged pungkas sabibaripun Gai medalaken jurus Asa Kujaku ingkang ateges merak fajar.[5]
Sabibaripun kapanggih kaliyan tim Kakashi, tim Gai kapencar saperlu nyabut segel-segel ingkang wonten ing 5 papan. 5 papan punika saged kapanggihaken kanthi gampil kaliyan Byakugan kagunganipun Neji. Déné wonten ing saben segel wonten prangkapipun ingkang njalari medalipun bayangan ingkang nyabut dados tiyang ingkang sami persis.
Cathetan suku
besut- ↑ http://naruto.wikia.com/wiki/Neji_Hy%C5%ABga
- ↑ http://facelose.wordpress.com/2012/01/16/karakter-profil-neji-hyuga/
- ↑ "Archive copy". Diarsip saka sing asli ing 2012-10-21. Dibukak ing 2013-01-27.
{{cite web}}: CS1 maint: archived copy as title (link) - ↑ http://dailyanimeart.com/2012/12/19/death-of-a-genius-neji-hyuga/
- ↑ http://myanimelist.net/character/1694/Neji_Hyuuga
| Artikel iki minangka artikel rintisan. Kowé bisa ngéwangi Wikipédia ngembangaké. |