Tuduhaké menu pokok

Nélson Rolihlahla Mandéla (pangucapan Xhosa[xoˈliːɬaɬa manˈdeːla]; lair ing Mvezo, Afrika Selatan, 18 Juli 1918 – pati ing Johannesburg, Afrika Selatan, 5 Dhésèmber 2013 ing umur 95 taun) dipunkenal ing saindhenging donya dados pejuwang kamardikan amargi kegiyatan antiapartheid, salajengipun Nelson dados Présidhèn Afrika Kidul. Mangsa alitipun dipuntelasaken ing Thembu salajengipun miwiti karir ing babagan hukum.

Nélson Mandéla
Nelson Mandela 1998 cropped.JPG
Présidhèn Afrika Kidul kaping 11
Linggih
27 April 1994 – 14 Juni 1999
Wakil Présidhèn Frederik Willem de Klerk
Thabo Mbeki
Kang sadurungé Frederik Willem de Klerk (Présidhèn Nagara kanggo Afrika Kidul)
Kang sawisé Thabo Mbeki
Rerincèn dhiri
Lair (1918-07-18) 18 Juli 1918 (umur 100)
Mvezo, caket Mthatha, Eastern Cape, Persatuan Afrika Kidul
Parté pulitik ANC

Panjenenganipun ugi kagungan asma kinurmatan saking klanipun inggih punika Madiba.

Isi

KagesanganBesut

Dipunwiyosaken ing Mvezo, Transkei tanggal 18 Juli 1918, Rolihlahla Mendéla salajengipun pindhah ing Qunu ngantos yuswa 9 taun. Panjenenganipun ingkang sepisanan saking kulawarganipun ingkang sekolah. Panjenenganipun ugi pikantuk asma Nélson saking ara-araipun tiyang Métodis. Ing yuswa 16 taun, panjenenganipun mlebet Clarkebury Boarding Institute nyinaoni kabudayan kilén.

Ing taun 1934, panjenenganipun miwiti program B.A. ing Fort Hare University, lan pepanggihan kaliyan Oliver Tambo ingkang dados mitra lan koléganipun ingkang setya. Sasampunipun nentang kabijakan univérsitas lan disuwun medal, panjenenganipun pindhah dhateng Johannesburg lan nglajengaken kuliahipun ing University of South Africa sasampunipun mendhet jurusan hukum ing Universitas Witswatersrand.

PalakramaBesut

Palakrama sepisanan Mandéla kaliyan Evelyn Ntoko Mase pungkasanipun pegatan taun 1957 sasampunipun 13 taun. Plakramanipun kaliyan Winnie Madikizela ingkang lumampah 38 taun, pungkasanipun ugi pegatan taun 1996. Ing tanggap warsanipun kaping 80, Mandéla krama kaliyan Graça Machel, randhanipun mantan Présidhèn Mozambik Samora Machél, ingkang ugi satunggaling mitra ANC.

PulitikBesut

Dados AktivisBesut

 
Nelson Mandela

Nelson Mandéla tumut African National Congress (ANC) saking taun 1942.

Amargi kagiyatanipun ingkang antiapartheid, panjenenganipun nglampahi sapérangan mangsa paukuman. Tanggal 5 Agustus 1962, Mandéla dipuncekel lan dipunkunjara ing Johannesburg Fort salajengipun tanggal 25 Oktober 1962, panjenenganipun dipunukum 5 taun kunjara lan ing tanggal 12 Juni 1964, panjenenganipun lan saklompok aktivis sanèsipun dipunukum kunjara sayuswaning gesang.

Sasampunipun nampik pambébasan kanthi syarat ngendhegaken perjuwangan bersenjata ing wulan Fèbruari 1985, Mandéla manggèn ing kunjara ngantos dipunbebasaken tanggal 11 Fèbruari 1990 amargi préntahipun Présidhèn Frederik Willem de Klerk sasampunipun dipunteken déning saindhenging donya.

Mandela lan de Klerk pikantuk bebungah Nobel Bedhamèn taun 1993

PrésidhènBesut

Nelson Mandela njawat Présidhèn Afrika Kidul sakiwa-tengené 5 taun (Mèi 1994-Juni 1999) sasampunipun menangaken Pemilu lan dados Présidhèn kulit cemeng sepisanan kanthi dé Klerk dados Deputi Présidhèn.

Perkawis AIDS dados sumber kuciwaning kathah tiyang lan keduwungipun Mandéla amargi ing wekdal pamréntahanipun, panjenenganipun kirang migatosaken masalah punika. Putranipun, Makgatho Mandela, séda amargi AIDS tanggal 6 Januari 2005.

Kang sadurungé
Frederik Willem de Klerk
Présidhèn Afrika Selatan
19941999
Kang sawisé
Thabo Mbeki


Cithakan:Pamenang bebungah Nobel Bedhamèn 1976-2000