Nezatullah Ramadhan

Nezatullah Ramadhan (26), yaiku sing ngedegaké Yayasan Nara Kréatif. Sadina-dina dhèwèké biasa diundang Neza. Neza iku lulusan Politèknik Negeri Jakarta jurusan Tèknik Mesin. Liwat daur ulang sampah, Yayasan Nara Kréatif mbukak kelas pakèt sinau kanggo atusan bocah-bocah lan mènèhi bekal macem-macem ketrampilan.[1]

Babar Urip besut

Neza cilik iku kerep dimanja karo wong tuwane. Maklum dadi anak semata wayang seka wong tuwa sing penghasilané cukup, dhèwèké isa duwe macem-macem fasilitas sing dipingini. Mula fasilitas sekolahé Neza ya kudu sing paling apik.

Nanging masa kejayaan Neza lan kaluwargané wis sirna pas dhèwèké lungguh ing bangku sekolah menengah. Bisnis wong tuwané bangkrut amarga ditipu karo wong liya. Amarga wektu kui Neza isih remaja, dadi dhèwèké durung isa mikir sing samestiné. Pas lungguh ing bangku SMA, Neza malah dadi bocah sing nakal. Dhèwèké kerep malaki kanca-kanca sekolahé kanggo tambah-tambah uang jajan. Sanadyan nakal, nanging Neza bisa lulus seka SMA lan ketrima tanpa jalur tès ing Politèknik Negeri Jakarta jurusan Tèknik Mesin.

Sanadyan wis gedhe, nanging sifat manja lan kesèdé durung ilang. Ing akhir semester pertama, Neza olèh Drop Out amarga biji mata kuliah Matematikané nol. Banjur ibuné Neza nganti mara njaluk diwènèhi keringanan karo dosèné nanging ditolak. Amarga kedadean iku, Neza ngrasa isin lan duwe tékad kanggo ngrubah awaké supaya dadi luwih apik. Tahun sawisé, Neza nyoba melu tès meneh lan ketrima ing jurusan sing padha. Perjuangané Neza ora mandheg ing kana. Sawisé ketrima, Neza duwe tékad mènèhi kontribusi kanggo kampus. Taun 2012, Neza bareng kanca-kancané mèlu program kewirausahaan mahasiswa (PKM) lan ngajokake proposal bab Usaga Daur Ulang Sampah kanggo ngewangi bocah sing pedhot sekolah lan bocah dalanan. Proposal anggoné Neza lan kanca-kanca lolos lan olèh tetulungan dana Rp35 yuta. Saka proposal iki sing ndadèkake lairé Nara Kréatif.

Salumrahé duwe usaha, mesti bakal ngliwati pasang surut. Fase iki dirasaké karo Nara Kréatif amarga kas midun lan operasional bakal mandheg. Sanadyan kanca-kancané milih mundur, nanging Neza tetep usaha supaya proyèké tetep lumaku. Dhèwèké ora pingin nyia-nyiaké semangat bocah-bocah. Apa wae dhèwèké lakoni supaya proyèké tetep madeg. Malah wong tuwané ya mèlu usaha amarga produk-produké durung payu. Akhiré Neza olèh apa sing dikarepaké Neza. Siji siji mulai kebuka dalané, produké mulai dilirik lan olèh pesenan. Ing pertengahan taun 2013, Nara Kreatif resmi dadi binaan Bank BNI Syariah.

Pagawean besut

Pagaweané Neza yaiku isa diarani wirausaha sosial amarga dhèwèké ngurusi proyèk-proyèk sing wis digawé. Saliyané Yayasan Nara Kréatif, Neza saiki ya duwe proyèk sosial bareng kanca-kancané yaiku Terangi Indonésia. Terangi Indonésia yaiku proyèk bank sampah online, sing sebagean keuntungané bakal dialokasiké kanggo kegiatan sosial. Nganti saiki, Neza tetep golek pitulungan dana mandiri supaya proyèk-proyèké tetep lumaku lancar.

Ing taun 2013, Neza ndadèkake pendidikan aspek utamané apa sing dhèwèké lakoni. Liwat Yayasan Nara Kreatif, Neza mbukak kelas sinau kejar paket A, B, lan C. Awalé seka 30 bocah, saiki wis mundak dadi 500 bocah sing melu program iki. Kasuksesan program iki isa ditonton seka Output bocah-bocah didiké, yaiku ana 7 bocah sukses nglanjutké kuliah nganggo bèasiswa lan 3 bocah wis nyambut gawé ing perusahaan swasta, liyané ana sing dadi pengusaha liwat pitulungan modal sing difasilitasi karo Nara Kreatif. Neza ngrasa seneng banget atiné pas nonton bocah-bocah sing biyèn putus sekolah, saiki isa lulus duwe Ijazah. Alesan ngapa Neza milih dadi wirausaha sosial amarga pendidikan lan tumindak apik iku investasi.

Pawiyatan besut

Neza iku lulusan Politèknik Negeri Jakarta jurusan Tèknik Mesin.

Réferènsi besut

  1. Yunus, Saiful Rijal (2018-09-07). "Nezatullah Ramadhan, "Inang" Anak Putus Sekolah".