Nikolaus August Otto
Nikolaus August Otto ya iku panyipta mesin 4 tak.[1] Dhèwèké lair ing Holzhausen, Jerman, taun 1832.[1] Dhèwèké wurung tutug anggoné sekolah, lan nulis nyambut gawé sakecekelé.[1] Wiwit dadi tukang jaga warung panganan nganti tekan tukang dodolan mider.[1] Ing taun 1860, Otto éntuk kabar anané tetemon mesin kang kaobahaké gas gawéané Etienne Lenoir.[1] Otto mikir, yèn mesin Lenoir bisa migunakaké bahan bakar cuwèr mangka mesin mau bakal luwih migunani amarga ora perlu ana buwangan gas.[1] Otto banjur ngrancang karburator.[1] Émané, gawéané mau ditulak déning kantor patèn amarga piranti mau wis ana kang madhani.[1] Nanging Otto ora nglokro.[1] Dhèwèké banjur nyampurnakaké mesin gawéané Lenoir.[1] Ing taun 1861, Otto duwé gagasan kanggo nyiptakaké mesin dhasar modhèl anyar sing obah kanthi 4 ubengan.[1] Mesin modhèl iki béda karo mesin prasaja gawéané Lenoir sing kanthi 2 surungan.[1]
Ing wulan Januari 1862, Otto wiwit gawé mesin mau.[2] Nanging, nyatané kanggo minangka gagasan mau ora gampang.[2] Amarga rumangsa ora kuwawa, Otto malah ngembangaké mesin hawa minangka langkah panyampura mesin kanthi rong surungan kang diobahaké déning gas.[2] Ing taun 1867, mesin rong surungan gawéané mau éntuk medhali ing acara World Fair ing Paris, Prancis.[2] Bebungah mau ndadèkaké mesiné sangsaya laris ing pasar.[2] Banjur Otto nerusaké gawé mesin 4 surungan kang bisa ngomprès campuran lenga lan hawa sadurungé prosès bakaran.[2] Pungkasané ing taun 1876, modhèl wiwitan mesin mau kasil dicipta, lan sataun candhaké dhèwèké kasil anggoné éntuk hak patèn.[2] Otto tinggal donya nalika tanggal 28 Januari 1891.[2]