Nyi Blorong

Nyi Blorong minangka tokoh legenda Indonésia sing awujud wong wadon ayu, awaké manungsa saka bangkekan munggah lan awujud ula saka bangkekan mudhun. Dhèwèké minangka patih paling kuat sing diduwéni déning Kanjeng Ratu Kidul lan asring dianggep padha karo Nyi Roro Kidul.

Legenda

Miturut kapracayan masarakat, Nyi Blorong iku panguwasa kraton pasisir kidul wis nduwéni kasektèn ngedap-edapi, sing mèlu dadi andhahané mawarna-warna mahluk alus. Miturut critané dhèwèké pancèn ditugasaké kanggoné manungsa supaya kejegur ing pasugihan lan ndadèkaké manungsa mau dadi babu-babuné sing manut.

Nyi Blorong katon nganggo kebaya awarna ijo kanthi rajutan emas. Jarit dawa awarna emas kasebut miturut critané minangka wujud asliné, yaiku ula raseksa. Nalika rembulané purnama, ayuné lan kasektèné Nyi Blorong ngrambah tekan pucuk, nanging nalika rembulané wis cilik, dhèwèké bakal bali menyang wujudé sing asli yaiku ula raseksa.

Serat Centhini nyebutaké menawa Nyi Blorong sing ayu yaiku putri saka Ratu Anginangin. Dhèwèké diomah-omahaké karo Jaka Linglung sawisé bakal bojone iku kasil mateni baya putih sing panjilmané Prabu Dewatacengkar.^[1]

Pasugihan

Nyi Blorong dipracaya bisa nekakaké kasugihan marang wong kang kapincut ngajak sekuton. Saben tekané Nyi Blorong, dhèwèké bakal ninggalaké emas ing panggonan dhèwèké nemoni wong sing sekuton minangka ganjaran. Emas kasebut miturut critané sakjané minangka sisik-sisik awaké.

Pasugihan karo Nyi Blorong dipracaya mbutuhaké kurban jiwa manungsa pandhereké. Nalika ajal, roh-roh pandhereké iku bakal dadi bagéan saka pedunung kraton gaib Sagara Kidul kanggo ing salawas-lawasé. Kajaba iku, ing wektu tartamtu, Nyi Blorong uga njaluk tumbal nyawa kanggo nambah gunggung prajurit lan uga nambah ayuné.

Nyi Blorong lan Nyi Roro Kidul

Sawetara spiritualis nganggep Nyi Blorong padha karo Nyi Roro Kidul, nanging model kasebut dibantah sapérangan pakar supranatural liyané. Nyi Blorong luwih awujud minangka putri ula sing diutus kanggo nggodha wong lan mingseraké manungsa kanthi cara pasugihan. Bab iku beda karo Ratu kidul sing nduwéni ati sing apik.

Nyimas Dewi Anggatri

Nanging miturut sumber liya, Nyi Blorong iku jeneng kanggo Nyimas Dewi Anggatri, anak saka Nyimas Dewi Rangkita utawa kang ditepung minangka ratu Galuh, anak saka Nyimas Dewi Anggista, putri ragil saka Raja Caringin Kurung kaping XI, Prabu Jaya Cakra.

Budaya kawentar

Nyi Blorong iku minangka paraga legenda Indonesia sing asring dadi tema film. Sawetara film sing nganggo tema Nyi Blorong ya iku Nyi Blorong lan Perkawinan Nyi Blorong.
Buku "Dari Soal Priyayi sampai Nyi Blorong: Refleksi Historis Nusantara" minangka kumpulan tulisan saka sejarawan Ong Hok Ham ing ariwarti Kompas.^[2]

Rujukan

↑ Ngabei., Ranggasutrasna, Ki; 1931-, Darusuprapta,; Dr., Marsono,; Centhini., Tim Penyadur Teks Naskah Serat Suluk Tambangraras atau (1991–2010). Centhini, Tambangraras-Amongraga (édhisi ka-Cet. 1). Jakarta: Balai Pustaka. ISBN 979407358X. OCLC 27465784.{{cite book}}: CS1 maint: date format (link) CS1 maint: extra punctuation (link) CS1 maint: numeric names: authors list (link)
↑ "Dari Soal Priyayi sampai Nyi Blorong". www.goodreads.com. Dibukak ing 2018-02-15.

[1] Ngabei., Ranggasutrasna, Ki; 1931-, Darusuprapta,; Dr., Marsono,; Centhini., Tim Penyadur Teks Naskah Serat Suluk Tambangraras atau (1991–2010). Centhini, Tambangraras-Amongraga (édhisi ka-Cet. 1). Jakarta: Balai Pustaka. ISBN 979407358X. OCLC 27465784.{{cite book}}: CS1 maint: date format (link) CS1 maint: extra punctuation (link) CS1 maint: numeric names: authors list (link)

[2] "Dari Soal Priyayi sampai Nyi Blorong". www.goodreads.com. Dibukak ing 2018-02-15.

[1]

[2]