Obrog
Obrog punika salah satunggaling dolanan bocah ingkang sampun boten natè diprangguli ing bebrayan jaman sapunika, jalaran kagerus dèning globalisasi, satemah dolanan tradhisional punika sampun cures.
Cara Dolanan Obrog besut
Dolanan obrog punika laré sekawan utawi enem sami bekta gacuk, sela ingkang kanggé lésan, sela ageng satunggal kapasang ngadeg. Lajeng sami dipun tuju gentosan, totohanipun géndhongan; pundi ingkang nuju saged kénging ambruk, nama obrog, yèn boten wonten ingkang ngéngingaken malih lajeng aben celak; pundi ingkang celak kaliyan lésan: menang, nedha gendhong ingkang tebih. Gacuk kalih kanggé tujon ingkang nedhagéndhong, gacuking mengsah kauncalaken tebih, lajeng ingkang gendhong katantun purun nuju punapa boten; manawi boten purun, lajeng katuju piyambak, yèn kénging panujunipun, penggéndhongipun sami kaliyan saobrogan, saking papan panujuning lésan, tebihing panuju kadudugi sadasa meter[1].
Kapustakan besut
- ↑ Hernawan, Bambang (2017). Jongensspelen Permainan Anak-anak Laki-laki. Jakarta: PNRI. kc. 14. ISBN 978-979-008-862-7.