Anakperi

Andum raharja,

Aranku rawé (jelas singlon.... héhéhéhé..), saben dinané diundang yoyon, Lair ana ing Klatèn, ing satengahé kulawarga guru (yèn minggu turu...),

Omahku kidul pasaréyan, ngisor grumbulan pring, TK, SD, SMP, SMA dirampungké ana ing Klatèn,

Sawetara iki mapan ana ing bogor -kutha udan sing jebulé mung kari crita....- dadi buruh impèn, ngimpèkké dina mbésuk sing saya padhang, kabèh wong padha pinter lan ora gampang diapusi.

Seneng basa jawa isa diarani kecelakaan sejarah, amarga pancèn run-temurun wong jawa, limalas taun nganggo basa sedina-dina basa jawa, nem taun wacanané kalawarti mawa basa jawa, sawetara taun nèng tanah sunda jebul isih waé ketemu wong nganggo basa jawa, nèk telpun ngomah ya isih nganggo basa jawa, mèh piyé, jal?

Saiki malah saba internèt, ketemu sisan karo wiki basa jawa... ckckckckck...

rawé