Para Satriya Bundheran Emas
Artikel iki lagi ingowahan gedhèn-gedhèn sawatara wektu suwéné. Saperlu ngéndhani cengkah ing pambesut, panjenengan aja mbesut kaca iki nalika layang iki isih kapajang. Kaca iki pungkasan ingowahan nalika 12:29, 4 Dhésèmber 2024 (UTC) (1 detik kapungkur). Panjenengan katuran mbusek cithakan iki yèn kaca iki wis ora kabesut ing dalem sawatara jam. Manawa panjenengan juru pambesut kang ngetrapaké cithakan iki, pesthèkaké panjenengan mbusek cithakan iki utawa nggantèni nganggo {{Lagi kagarap}} antarané mangsa anggoné panjenengan mbesut. |
Para Satriya Bundheran Emas (Inggris The Knights of the Golden Circle) iku sawijiné kumpulan rahasya sing diadegaké ing taun 1854 déning wong Amérika Sarékat sing jenengé George W. L. Bickley. Ancasé olèhé ngadegaké kumpulan iki kanggo ngadegaké nagara anyar, sing ditepungi minangka Bundheran Emas (Inggris: Golden Circle; Sepanyol: Círculo Dorado), papan ing ngendi batur tukon kuwi olèh kanthi resmi. Nagara iki punjeré ana ing Havana lan anggotané Amérika Sarékat Kidul lan "bundheran emas", ya iku laladan ing Mèksiko (sing bakal dipérang dadi 26 praja batur tukon), Amérika Tengah, loré Amérika Kidul, lan Kuba, Haiti, Républik Dhominika, lan mayoritas pulo ing Karibiya. Dhiamèteré sakiwa tengené 3.900 km.
 Flag of the Knights of the Golden Circle | |
| Cekakan | KGC |
|---|---|
| Pambentukan | July 4, 1854 |
| Jenis | Paramilitèr |
| Tujuan |
|
| Kantor pusat | Cincinnati, Ohio, Amérika Sarékat |
| Basa resmi | Basa Inggris |
| George W. L. Bickley | |
.png)
Proposalé Para Satriya iki tumuwuh saka proposal sadurungé kanggo nyaplok Kuba (Manifesto Ostend), sawatara pérangan Amérika Tengah (Perang Filibuster), lan Mèksiko sakabèhé (Gerakan Saindhenging Mèksiko). Ing Kuba masalah iki dadi njlimet déné akèh wong sing péngin mardika saka Sepanyol. Mèksiko lan Amérika Tengah emoh dadi bagéané Amérika Sarékat. Mula-mula Para Satriya iki mènèhi advis yèn Amérika Sarékat sayogyané nyaplok tlatah anyar kanggo nambah cacahé praja batur tukon lan uga nambah kakuwasané para juru batur tukon.
Minangka réaksi kanggo gègèran anti-batur kulon sing ana sawisé Kaputusan Dred Scott (1857). para Satriya iki ngowahi panemuné: Amérika Sarékat Kidul kudu pisah lan mardika, nggawé konfédherasi dhéwé, lan banjur mbedhah lan nyaplok wewengkon Bundheran Emas iki. Usulan wates lor nagara anyar iki kurang luwih padha karo garis Mason–Dixon. Pokoké sing cetha, ancasé kanggo nambah kakuwasan para juru batur tukon sing ora bisa dibalèkaké manèh.