Pasisir Wates
Pasisir Wates inggih menika salah satunggaling papan wisata ing Kabupatèn Rembang. Tepatipun ing Dhusun Wates, Desa Tasikharjo, Kacamatan Kaliori, Kabupatèn Rembang, Propinsi Jawa Tengah.[1] Akses menyang Pasisir Wates cukup gampang, amarga lokasi kasebut kasedhiya ing Google Maps.
Lokasi Pasisir Wates ora pati adoh saka pusat kutha Rembang, mung watara 7,4 kilometer kanthi wektu tempuh watara 15 menit. Wisatawan sing teka bisa nggunakake dalan Rembang-Tuban Panturan. Kejaba iku uga ana papan rambu-rambu sing bakal nggampangake pengunjung nalika teka ing Pasisir Wates.
Daya tarik pantai iki yaiku pasir putih sing dawa lan ana alas cemara. Kajaba iku, wit-witan cemara dihias nganggo aksesoris werna-werni sing digawe saka ban bekas.[2]
Kahanan umum
besutTuris sing tumeka ing Pasisir Wates mung kudu mbayar karcis wisata Rp. 5.000. Kajaba iku, ana tambahan biaya parkir, ya iku Rp. 3.000 kanggo kendaraan roda loro, Rp 4.000 kanggo mobil, Rp. 10.000 kanggo kendaraan Elf, lan Rp. 20.000 kanggo rombongan bis. Wisata Pasisir Wates bukak saben dina saka jam 06.00-18.00 WIB.[3][2]
Pengunjung sing teka ing Pasisir Wates bisa nyabrang menyang Pulo Gede, yaiku pulo sing duweni pasir putih. Kanggo nyabrang menyang Pulo Gede, pengunjung bakal dikenani biaya tambahan kanthi tarif mulai saka Rp. 300.000-Rp. 400.000 kanggo sak puteran. Perjalanan menyang Pulo Gede udakara 4,3 kilometer kanthi prau. Ing pulo iki, pengunjung bisa nyilem, snorkeling, lan uga bisa digunakake minangka papan kanggo njupuk foto pre-wedding.[4][5]
-
Pemandangan Pulo Gede -
Gambaran ing Pulo Gede
Pasisir Wates uga nduweni sarana umum, kayata mushola, parkir, warung makan, gazebo lan spot foto sing menarik. Wisata Pasisir Wates ngrembaka wiwit taun 2016, nanging wiwit dibukak kanggo kunjungan wisata ing taun 2017. Cacahing pengunjung saben sasi watara 70-100 ewu, pengunjung uga mundhak saben taun. Wisata Pasisir Wates dikelola dening Kadet Pasisir Laskar Benowo.[4]
Rujukan
besut- ↑ "Pantai Wates Rembang, Pasir Putih Dihiasi Hijaunya Pohon Cemara - NativeIndonesia.com". www.nativeindonesia.com (ing basa Indonesia). 2021-02-07. Dibukak ing 2023-10-13.
- ↑ a b Media, Kompas Cyber (2023-02-11). "Pantai Pasir Putih Wates Rembang: Daya Tarik, Harga Tiket, Jam Buka, dan Rute Halaman all". KOMPAS.com (ing basa Indonesia). Dibukak ing 2023-10-13.
- ↑ "Harga Tiket Masuk Pantai Wates Rembang Terbaru 2022". kumparan (ing basa Indonesia). Dibukak ing 2023-10-13.
- ↑ a b "Intip Keelokan Pantai Pasir Putih Wates Rembang Nan Menawan" (ing basa Inggris Amérika Sarékat). Dibukak ing 2023-10-13.
- ↑ Haq, Muhammad Fida Ul (2020-02-01). "Wisata Pasir Putih Menawan di Rembang Jawa Tengah". iNews.ID (ing basa Indonesia). Dibukak ing 2023-10-13.
Pranala jaba
besutAkun media sosial resmi Pasisir Wates, pantaipasirputihwates.