Patiné Vincent van Gogh

Artikel pokok Vincent van Gogh

Patiné Vincent van Gogh, juru lukis Walanda gagrag pasca Impressionisme. kadadéan ing wayah ésuk tanggal 29 Juli 1890, ing kamaré ing losmèn Auberge Ravoux ing désa Auvers-sur-Oise, Prancis lor. Van Gogh katémbak ing wetengé, apa déning awaké dhéwé, apa ditémbak wong liya. Banjur Vincent tilar donya rong dina engkas.

Latar wuri besut

 
Sal ing Griya Sakit ing Arles, Vincent van Gogh (1889)

Munduré kawarasan jiwané besut

Ing taun 1889, Vincent van Gogh ngalami kamunduran gedhé ing kawarasan jiwané. Sawisé sawatara insidèn ing Arles sing marahi petisi umum, dhèwèké lumebu griya sakit. Kahanané dadi sangsaya apik manèh lan dhèwèké wis agé diwetokaké saka griya sakit ing sasi Maret 1889, kabeneran karo mantènané adhiné Theo karo Johanna Bonger. Nanging ing wayah pungkasan kaulé ora katekan lan dhèwèké ngaku marang Frédéric Salles, sing nyambut gawé minangka pandhita ora resmi marang para pasièn Protèstan, menawa awaké kepéngin lumebu panti jiwa waé.[1] Banjur nurut sarané Salles Van Gogh milih panti cedhak Saint-Rémy.[2][3] Theo awalé ora sarujuk karo panemu iki, awaké malahan duwé panemu menawa Vincent apiké nggabung manèh karo Paul Gauguin ing Pont Aven, nanging pungkasané sarujuk lan gelem mbayar béya panti (nanging njaluk akomodasi kelas telu sing murah dhéwé). Vincent banjur lumebu panti ing awal Mèi 1889.

Kaanan mèntalé panggah stabil rada suwé lan awaké bisa nglukis ing jaba (en plein air), lan nggawé akèh lukisané sing ikonis, kaya ta De sterrennacht ("Lintang-lintang ing Wengi") kala iku. Nanging ing pungkasané sasi Juli, sawisé lelungan menyang Arles, awaké kumat kanthi sérius lan suwéné nganti sasasi. Dhèwèké bisa mari manèh, nanging ing pungkasan Dèsèmber 1889 lan awal Januari 1890 kumat manèh nalika mènèhaké gambaré Madame Ginoux ing Arles.[4][5]

Réferènsi besut

  1. Naifeh & Smith pp. 711, 713
  2. Reverend Salles, "Letter to Theo van Gogh, written 19 April 1889 in Arles", translated and edited by Robert Harrison
  3. Theo van Gogh, "Letter to Vincent van Gogh, written 2 May 1889 in Arles", translated by Johanna van Gogh-Bonger, edited by Robert Harrison, letter number T6.
  4. Naifeh & Smith pp. 768-71, 795-8
  5. Vincent van Gogh, "Letter to Theo van Gogh, written c. 15 March 1890 in Saint-Rémy", translated by Johanna van Gogh-Bonger, edited by Robert Harrison, letter number 628. Retrieved 24 July 2011.