Paul Reubens

Paul Reubens (jeneng asliné Paul Rubenfeld lair ing Amérika Sarèkat, 27 Agustus 1952; umur 71 taun) ya iku sawijining juru banyol, aktor, lan pambiwara saka Amérika Sarékat. Dhèwèké misuwur olèhé maragakaké Pee-wee Herman.

Reubens, 2016

Reubens nggabung karo grup Los Angeles The Groundlings ing dasawarsa 1970-an, lan miwiti karir minangka pelawak lan aktor panggung improvisasi. Ing taun 1982, Reubens wiwit tampil ing pagelaran babagan karakter sing wis dirembaka sawetara taun. Acara kuwi diarani "The Pee-wee Herman Show", lan payu èntek karcisé lawasé lumaku limang sasi; HBO uga nggawé acara kusus sing sukses perkara iki. Pee-wee dadi paraga kultus cepet lan, kanggo dasawarsa sabanjuré, Reubens setya babar belas marang karakteré, nindakake kabèh penampilan umumé lan wawancara minangka Pee-wee. Film biyoskupé, Pee-wee's Big Adventure (1985), disutradarani déning Tim Burton. Film iki suksès dideleng saka sisih finansial lan kritis, lan banjur ngrembaka dadi film kultus. Nanging, Big Top Pee-wee (1988), kurang suksès. Antara taun 1986 lan 1990, Reubens mbintangi Pee-wee ing acara bocah-bocah CBS ésuk-ésuk, Pee-wee's Playhouse.