Peter Geschiere
Peter Geschiere ya iku ahli antropologi saka Belanda, kalairan taun 1941[1]. Peter olèh pandhidhikan pawiyatan luhur ana ing Free University, MA sujarah taun 1967, MA antropologi ing taun 1969, lan Ph.D. antropologi ing taun 1978[1][2]. Panlitian lapangan antropologisé Peter ana ing Tunisia taun 1969, Kamerun (bebrayan abasa Prancis) taun 1971, 1973, 1980[1]. Uga ing Senegal kidul taun 1987 lan Kamerun (bebrayan abasa Inggris) taun 1987[1]. Karya-karya akademis kang tinulis déning Peter ya iku antarané Village Communities and the State: Changing Relations in Maka Villages of Southeast Cameroon (1982), Old Modes of Production and Capitalist Encroachment. Anthro-pological Explorations in Africa (1985), lan The Modernity of Witchcraft. Politics and the Occult in Postcolonial Africa (1997)[1][2][3][4]. Fokus pakaryan panlitian Peter iki ana ing bab nguji dinamika budhaya ing interaksi kolonial lan paska kolonial ana ing Afrika kulon[1].
Rujukan besut
- ↑ a b c d e f Amit, Vered (2004). Biographical dictionary of social and cultural anthropology. London: Routledge. kc. 272. ISBN 020364459X. OCLC 436848672.
- ↑ a b "Peter Geschiere". African Studies Centre Leiden. 2014-09-30. Dibukak ing 2018-01-12.
- ↑ "Peter Geschiere". press.uchicago.edu. Dibukak ing 2018-01-12.
- ↑ The Modernity of Witchcraft (ing basa Inggris). ISBN 0813917034.