Prokariota iku organisme sing ora duwé nuklei lan membran kanggo nyimpen bahan-bahan genetika (béda banget karo organisme Eukariota sing duwé nuklei lan membran sajeroning inti sèlé, saéngga bahan-bahan genetikané kakumpul ing nuklei mau) lan lumrahé minangka organisme uniselular (nanging sajeroning sawatara kasus, ana uga organisme prokariota sing multiselular).

Diagram saka sèl baktèri prokariotik.
Perbandingan Eukariota vs. Prokariota
Animasi 3D saka sèl prokariotik kang nuduhaké kabèh pérangané

Akèh-akèhé prokariota iku baktèri. Carl Woese, sawijining ahli mikrobiologi saka Amérika Sarékat, mbagi prokariota dadi baktèri lan archaea (karan uga eubacteria lan archaebacteria) amarga ana prabédan gedhé ing susunan genetik saka kaloroné. Pambagéan dadi eukariota, baktèri, lan archaea karan uga sistem telung domain.