Pucak Suralaya
Puncak Suralaya yaiku salah siji papan plesir kang ana ing Kapanéwon Samigaluh, Kabupatèn Kulon Praga, Dhaerah Istimewa Ngayogyakarta. Suralaya salah sawijining pucuk aling dhuwur saka pagunungan Menorèh kang ana ing wilayah Jawa Tengah lan Ngayogyakarta. Suralaya nduweni panorama kang éndah.
Legenda besut
Aran Suralaya nduweni makna yaiku wani ngadepi pati. Iki ora ucul saka kahanan Suralaya menawa para wisatawan kudu ngancik 300 undhakan. Para wisatawan kang arep tumuju ing pucuk butuh raga lan jiwa kang kuat kaya déné ngupaya wani ngadepi pati.
Miturut carita pawayangan, Suralaya yaiku papan Batara Guru kang mandegani para déwa ing Kayangan. Saka carita iki, Puncak Suralaya ditekani para wisatawan. Nalika jaman Hindu-Budha, masyarakat pracaya menawa para Dewa mapan ana ing Gunung Himalaya. Nanging, masyarakat angèl duwéni gambaran marang Himalaya. Mula para pandhita banjur migunakake Suralaya dadi Kahyangan.[1]
Nalika Islam ngrembaka ing tlatah Jawa, Raden Mas Rangsang kang sabanjure nata dadi Sultan Agung Hanyakrakusuma, tapa laku wangsit. Panjenengane nemu wangsit kudu lumaku saka Kraton Kotagedé tumuju arah mangulon. Sabanjure dheweke lumaku kurang luwih 40 kilometer ing arah ngulon, dheweke banjur semaput. Nalika semaput dheweke nemu wangsit kapindo kang nitahake nalika jumeneng migunakake asma Sultan Agung Hanyakrakusuma.
Puncak Suralaya uga dipracaya dadi pusat tlatah Jawa. Saperangan masyarakat Jawa uga parcaya menawa narik garis mengulon lan ngétan lan saka ngidul ngalor bakal ketemu ana ing Suralaya. Mula Suralaya uga diarani kiblat utawa pancering bumi.[2]
Wahana Plesir besut
Wahana plesir kang bisa dirasakakè dèning para turis yaiku kebun tèh uga srengèngè kang sumunar saka sisih wètan. Ing sisih lor Puncak Suralaya uga bisa meruhi Candi Barabudur. Sakliyane iku para turis uga ana papan kang bisa diparani yaiku:
- Puncak Sariloyo* Tegal Kepanasan
- Sendang Kadwetan
- Sendang Kawidodaren
- Partapan Kaendran
- Partapan Mintaraga [3]
Saben tanggal 1 Sura, ing Puncak Suralaya dianake jamasan pusaka saka Kraton Ngayogyakarta yaiku Tombak Kyai Manggala Murti lan Songsong Kyai Manggala Dewa. Jamasan diwiwiti saka omah sesepuh Dhusun Keceme kanthi kirab pusaka banjur kairing arak-arakan gunungan kasil bumi, lan iring-iringan tetabuhan kaliyan kelompok kagunan tumuju ing Sendang Kawidodaren kang dadi papan jamasan. Udik-udik saka gunungan mau banjur direbut dèning para turis. Kang oleh kasil bumi bakalé kasil panen tambah.
Rujukan besut
- ↑ Rizky Kusumo. (2022-02-10). https://www.goodnewsfromindonesia.id/2022/02/10/pesona-puncak-suroloyo-singgasana-para-dewa-di-kulon-progo. Good News From Indonesia. Dibukak ing 2023-10-14.
- ↑ Redaksi Selingkar. (2023-07-17). https://www.selingkarwilis.com/travel/8509503013/misteri-pancering-bumi-jawa-puncak-suroloyo-di-bukit-menoreh-ramai-dikunjungi-setiap-1-suro. selingkarwilis. Dibukak ing 2023-10-14.
- ↑ (2021-07-11).https://dinpar.kulonprogokab.go.id/puncak-suroloyo.html. Dinas Pariwisata Kulon Progo. Dibukak ing 2023-10-14